LIDO COCINA TSINA SA SHAW BOULEVARD BUKAS NA!

Sa isang proyektong hinahawakan ko ngayon, ang Lido Cocina Tsina sa tulong ng kaibigang si Baby De Guzman ay nakilala ko ang President nitong si Ma'am Annie Wong at ang Marketing Head nitong si Sir Dave Antonio nang masaksihan ko mismo ang grand opening ng kanilang bagong branch sa may Shaw Boulevard, Mandaluyong. Sa utos ng management, we invited 3 major broadsheets like Manila Bulletin, Manila Standard and The Philippine Star who just did beautiful releases about the restaurant. Honestly, fan talaga ako ng mga Chinese restaurants pero iba ang pagkaing ilalapag sa iyo ng Lido Cocina Tsina. Iba yung lasa o timpla nila! Malinamnam at higit sa lahat ay mura pa! 
Isa sa dumating na celebrity ay si Epy Quizon. Alam kong responsable siya sa ilalabas na TVC ng Lido Cocina Tsina this September. Pinaupo namin sa isang table sina Ma'am Annie Wong at Epy Quizon sabay interview habang kumakain kami ng lunch. Very accomodating si Ma'am Annie Wong at puring-puri nito ang aktor lalo na sa kinalabasan ng kanilang ginawang TVC!
" He is open to ideas and easy to work with. Very talented. Comedy talaga ang bagay sa kanya. Kahit na seryoso yung story, napapagaan niya. It is his expertise. He is so passionate and very creative. Happy ako! " paglalahad pa ni Ma'am Annie Wong.
According to Actor / Director Epy Quizon, hindi rin naging madali para sa kanya ang gawin ang TVC ng Lido Cocina Tsina. Pero it's the passion and love diumano sa trabaho ang namutawi sa kanya. 
" When i got the script from the ad agency, sabi ko, why not! Para siyang short film and i love it! The TVC is about a young man as a son and hardworking employee. I added my own flavor to the storytelling that highlights the heritage of the restaurant in 1936! Excited na rin ako to see my work kapag nailabas na namin ito sa TV! " paglalahad naman ni Epy Quizon na may ginawa na rin palang product tvc noon ng isang petroleum company! 
Ngayong mid-August ay isang product na naman ang ilulunsad namin exclusive from Lido Cocina Tsina ayon na rin sa ipinarating sa akin ng kaibigang Dave Antonio, ang Marketing Head ng Lido Cocina Tsina! 

SUGAR MERCADO MAY MALALIM NGA BANG DAHILAN KUNG BAKIT NAG-RESIGN SA WOWOWIN?

Misteryoso ang biglaang pagre-resign ni Sugar Mercado sa daily evening game show ng Kapuso Network na Wowowin hosted by Willie Revillame.
Sa Ara's Colours PH media launch ay hindi namin pinakawalan si Sugar. Kinulit namin ito hanggang sa nagbigay na nga ito ng paliwanag patungkol sa kanyang resignation.
" Lumalaki na ang dalawang anak ko. Isang 4 and 6 years old. Feeling ko mas kailangan na nila ako ngayon bilang Nanay. Kaya nagdesisyon akong mag-resign sa show. " kaagad nitong tugon sa amin.
Paano na ang kanyang hanapbuhay? Malaking pera rin kung tutuusin ang kinikita niya sa naturang show bilang co-host ni Willie Revillame?
" Marami pa namang work. Marami diyan. Obcourse, like sa mga anak ko, hindi rin naman sila pinababayaan ng Tatay nila eversince. Balik hosting sa comedy bars, raket-raket. Nami-miss ko rin umarte. Basta. Mga ganoon na muna. Happy ako sa desisyon ko. Alam ko namang may magandang trabaho pang darating sa akin. Sipag-sipag lang naman. " sagot nito.
Si Hipon Girl daw ngayon ang flavor of the month ni Willie Revillame. Si Hipon Girl din daw ang dahilan kung bakit nag-resign siya?
" Hindi totoo yan! Naabutan kopa siya sa show. Okey siya. Okey kami. Basta. Okey na ako! " aniyang depensa naman sa amin.
After namin siyang makausap ay hindi parin ako personally kumbinsido sa ibinigay nitong dahilan sa kanyang resignation. Sa pagkakaalam kasi namin, ayon na rin sa mga bali-balita, malalim ang dahilan ng kanyang resignation! Hindi naman kaya totoo ang tsismis?

LIZA SOBERANO HAPPY TO BE HOME

" So happy to be home " Litanya ng Kapamilya Star Liza Soberano sa kanyang instagram account. Yes. Finally ay nasa Pinas na ang sikat at magandang aktres pagkatapos ng ilang buwang pananatili sa ibang bansa ayon na rin sa operasyong ginawa sa kanyang daliri. She's finally back para tapusin ang ilan nitong nabinbing commitments at hindi para tapusin ang Darna! Joke lang! Naga-gandahang proyekto pala ang nakalaan kay Liza sa Kapamilya Network ayon pa sa aming nabalitaan kaya naman bilang fan ni Liza ay happy at excoited kami sa kanyang pagbabalik! Happy din kaming ibalita na much stronger ang relasyon nila ni Enrique Gil dahil full support naman talaga si Quen kay Liza mula Pinas hanggang Amerika! In fairness kay Liza, walang masamang tinapay sa sikat na aktres dahil nang mabalitaan niyang si Jane De Leon na ang gaganap bilang Darna ay naging vocal ito sa pagsasabing susuportahan niya ito at bukas siya sa anumang kailangang suporta ni Jane! Well, all is well para kena Liza at Enrique at mabuhay ang LIZQUEN!

JULIA BARETTO AT GERALD ANDERSON NA NGA BA?

Trending na ngayon ang pangalan ni Julia Baretto na siyang pinag-uusapan sa twitter, instagram at facebook na siyang diumano ang sinasabing 3rd party kung bakit naghiwalay daw sina Gerald Anderson at Bea Alonzo! Masasakit na salita ngayon lalo na sa twitter ang ibinabato kena Julia Baretto at Gerald Anderson na mukhang galit na galit sa kanilang dalawa ang buong mundo! Makahulugan ang binitiwang salita ni Bea sa kanyang instagram account ngayong gabi kung saan sinabayan pa nito ng black blank color ang kanyang pinost na para sa akin ang ibig sabihin ng black is death and tapos na! Marami ang nagsabing nag-ugat diumano ang lahat nang gawin nina Gerald at Julia ang pelikang Between Maybes sa isang liblib na lugar sa Japan. Sa puntong ito, kung totoo man ang lahat ay si Bea Alonzo parin ang Big Winner para sa amin! Kawawang Bea! Sa ganda mong yan Teh? Nag-message na rin ako kay Julia about this issue para naman mailathala din natin ang kanyang side about this issue na siya ngayon ang binabato! 

BEA AT GERALD NAGHIWALAY DAW DAHIL SA 3RD PARTY

Wala pang kumpirmasyon mula sa kampo nina Gerald Anderson at Bea Alonzo kung hiwalay na sila o nagkakalabuan lang! Nabulabog ang showbizlandia nitong gabi lang, July 21, 2019 nang magpost si Bea Alonzo ng black blank color sa kanyang instagram account at may nakalitanyang nagsasabing "  ginawa mo na minsan, at kung ginawa mo pa sa ikalawang pagkakataon, hindi na ito pagkakamali, it's a choice at tama na! " na mukhang patutsada na niya sa kanyang current boyfriend na si Gerald Anderson. Kaagad namang nagbigay ng kanyang simpatiya si Kris Aquino sabay sabing " i had to check on you. Thank you for replying. Im your Ate for life who will always love you and care about you. " mensahe pa ni Kris Aquino na pinasalamatan naman ni Bea Alonzo. Pero ang weird comment na nabasa namin sa thread ay ang isang komento ng fan saying " marz ito na nga nangyare na. Confirmed may namamagitan ( wow lalim ) kay Budoy at Julia B. On a roll ang Ate mo Bea ig stories puro hugot at naglalike pa pati post ng fan at comment " sez @mitchiechochangchai 
Nakakalokaaaaaaa! Sinong Julia B kaya ito? Third party hiwalayan ba ito? Sino itong Julia B na sinasabing salarin? Naku! Naku! Naku! Kakalokaaaaa!

KYLE LUCASAN, GELO ALAGBAN AT KARL AQUINO TULOY PARIN ANG SHOWBIZ CAREER

Kahit nagtapos na ang kanilang journey bilang hopefuls, naging top 14 at naging top 12 sa ongoing reality competition na StarStruck ng GMA Kapuso Channel ay tuloy na tuloy parin ang kanilang journey sa kani-kanilang career ang tatlong anak-anakan namin sa 316 Events And Talent Management ni Len Carillo. Ito ay sina Kyle Lucasan, Gelo Alagban at Karl Aquino na mga miyembro ng sikat ng grupo ng all male and female sing and dance group na Clique V at Belladonnas. Ayon sa aming tatlong alaga, napakalaking bagay na para sa kanila ang mabigyang-pansin sila sa naturang patimpalak ng GMA Network. Isang oportunidad diumano ito na hindi lahat ng nangangarap ay nabibigyang pansin at pagkakataon. Ayon naman sa 316 Events And Talent Management, patuloy ang pagpursige ng mga bagets sa kanilang pangarap. Hindi diumano nagtatapos ang kanilang paglalakbay kundi naniniwala ang 316 Events And Talent Management na mas maraming oportunidad pa ang dumating sa kanila. Naging positibo ang aming taong anak-anakan na ang pagkakapisil sa kanila sa naturang reality show, hindi man pinalad ay magbubukas ito ng mas magandang larawan para sa kanilang pangarap makilala sa mundo ng showbizlandia! Ratsada naman ang Clique V at Belladonnas ngayon sa kanilang out of town shows commitment! 

BEA ALONZO AT GERALD ANDERSON NAGKAKALABUAN NA NGA BA?

" You can't make the same mistake twice. The second time you make it, its not a mistake anymore, it's a choice. " 
Ito ang bumulaga sa instagram post ngayong gabi ng magaling na aktres na si Bea Alonzo. Kasabay ng litanyang ito ay ang black color blank sa kanyang wall. Nang basahin namin ang ang naging komento at damdamin ng netizens sa comments section ng kanyang instagram account ay mukhang nagkakalabuan ngayon sina Bea Alonzo at Gerald Anderson. Ayon pa sa isang komento ng isang netizen, hayaan nalang daw ni Bea ang lahat at mas deserve nitong maging single siya keysa may nagbibigay ng sakit sa ulo sa kanya. Hindi na ako nabigla sa kaganapang ito kung ito man ang dahilan dahil sa showbiz naman ay jowa mo ngayon pagtalikod mo ay jinowa na rin pala ni ganoon! Ganoon talaga sa industriyang ito. Gamitan at pasa-pasa lang! Sabi nga nila, who can argue with LOVE! Well! Sana mali ang hula ko at reaksiyon ng sambayanan sa post na ito ni Bea Alonzo. Sayang naman! 

BARBIE IMPERIAL GUSTONG MAKILALA BILANG VERSATILE ACTRESS

Isa si Barbie Imperial sa may pinakamagandang mukha sa loob ng showbiz. Sopistikada at palaban ang kanyang aura. Kumbaga sa pongkayan, marami kang puwedeng gawin sa kanyang mukha at bumubulaga! Kaya naman nung magkita kami sa Manila Domestic Terminal 4 patungong San Vicente, Palawan via SkyJet Air para sa inaugural flight nito ay walang kiyeme kong pinuri ang kagandahan ng aktres. Sa totoo lang, napaka-PR ni Barbie Imperial at madali mo siyang mahalin dahil napaka-totoong tao niya at mapagkumbaba. Habang nasa Club Agutaya, San Vicente, Palawan kami, nagkaroon kami ng pagkakataong tsikahin kahit sandali si Barbie. Masarap kausap ang dalaga na aminadong masaya na sa kanyang pribadong buhay. Unang bulalas sa tsikahan ay nagpahayag naman ng kanyang pagkagalak si Barbie ng malaman niyang si Jane De Leon na nga ang gaganap bilang Darna at Narda movie project ng Star Cinema. Pinuri pa nga ni Barbie ang kagandahan ni Jane sabay sabing bigyang chance si Jane dahil naniniwala naman daw si Barbie sa kakayahan ng baguhang Darna star! Nang banggitin namin kung sakaling mapunta ang role na Valentina sa kanya bilang kontrabida, agad namang bukad palad itong tinanggap ni Barbie at why not kapag ibinigay sa kanya. Hindi diumano biro ang papel na Valentina sa istorya ng buhay ni Darna kaya naman interesting ito para sa kanya. Inamin naman nitong may nagsabi sa kanya noong mag-audition for Darna role kaso lang hindi na nito itinuloy. In-fairness, kapag mabigyang-pansin si Barbie bilang Valentina, siya na ang pinakamagandang Valentina sa buhay ni Darna! Bagay na bagay kay Barbie ang Valentina role, sa totoo lang huh! Infer! Isang Iwant series naman ang kanyang ginawa with Elisse Joson na isang action movie naman! Mas gusto diumano niyang makilala bilang isang versatile actress sa kanyang henerasyon! 

ARA MINA MASAYA NA SA KANYANG BUHAY BILANG ISANG INA AT BUSINESSWOMAN

Halos tatlong araw din namin nakasalamuha ang aming kaibigan at binansagang The Sex Goddess of Philippine Cinema na si Ara Mina o mas kilala namin bilang si Hazel Reyes. Mula sa imbitasyon ng kaibigang Dodj Mallari at SkyJet Air ay kasama naming lumipad patungong San Vicente, Palawan si Ara Mina. Halatang happy naman si Ara Mina sa kanyang private life at nakita naming nag-enjoy naman siya kasama namin sa Long Beach, San Vicente, Palawan. Sa aming pakikipagtsikahan sa kanya, may mga nagpaparamdam sa kanya pero kinumpirma nitong mas mahalaga sa kanya ngayon ang kanyang anak at ang pag-asikaso sa kanyang mga negosyo na ngayong July 31 ay maglulunsad na naman siya ng kanyang sariling signature cosmetic products. She's already 40 and marami pa rin daw siyang gustong gawin sa kanyang buhay. Sa larawang ito ay kitang-kita namang she has maintained her sexiness at body beautiful pa rin siya kasama na ang kanyang flawless skin huh! Well, happy life diumano ang kanyang sikreto at ang pagiging kuntento sa kung anumang meron siya ngayon. Isa si Ara Mina sa mga nakilala naming celebrities inside showbusiness na never nagbago sa kanyang pakikitungo sa entertainment media mula noon magpahanggang ngayon at saludo kami sa kanya bilang kaibigan! Kahit busy diumano siya sa kanyang private life at business ay sinisigurado diumano niyang nasa limelight pa rin siya at hinding-hindi mawawala. 

SKYJET AIR NOW FLIES 4X A WEEK TO SAN VICENTE, PALAWAN

Umaga ng July 16, 2019 nang lumipad kami from Manila Terminal 4 lulan ng Sky Jet Air patungong San Vicente, Palawan. Isang chartered flight ito na kinabibilangan ng mga entertainment press, bloggers, vloggers at celebrities ayon na rin sa imbitasyon ng kaibigang Dodj Mallari at pamunuan ng Sky Jet Air kasama ang Department of Tourism MiMaRoPa. Inaugural flight ito ng Sky Jet Air sa San Vicente, Palawan na simula ngayon ay meron na silang 4 times a week direct flight mula Manila non-stop to San Vicente, Palawan. Pagdating namin sa napaka-cute na domestic airport ng San Vicente ay nasaksihan namin for the first time ang sinasabi nilang water salute. Nagkaroon ng simpleng programa sa loob ng airport at ribbon cutting kasabay ng aming lunch! Doon namin nakilala si Sir Patrick Tan, ang CEO ng Sky Jet Air na as of presstime ay magiging lima na ang kanilang unit mula sa dalawa lang! Hindi lang ang inaugural flight ng Sky Jet Air sa San Vicente ang aming nasaksihan kundi naranasan din namin ang isang napakagandang accomodation sa Club Agutaya sa San Vicente, Palawan. Nalasap namin ang masasarap na seafoods mula breakfast hanggang dinner nang dalhin kami sa Turublien Resort na nasa bandang dulo na ng Long Beach, San Vicente, Palawan. Nakita namin ang virginity ng San Vicente pagdating sa kanilang napakagandang Long Beach na pinong-pino ang buhangin at preskong hangin at napakasarap na daluyon sa karagatan! Isang libreng bakasyon na sa loob lamang ng tatlong araw ay napamahal na sa amin ang San Vicente dahil napaka-accomodating nila. Nais naming pasalamatan unang-una ang kaibigang Dodj Mallari, ang Sky Jet Air na mas maraming destinasyon pa sa Pinas soon at abroad ang kanilang liliparin, ang Club Agutaya na bonggang-bongga ang wifi, ang Department of Tourism MiMaRoPa especially kay Sir Domenic Cartas, Kay Sir Justine ng Sky Jet Air, ang buong San Vicente LGU, lalong-lalo na kay Sir Patrick Tan! Maraming, maraming salamat po sa oportunidad na ito! Hanggang sa muli pinakamamahal naming San Vicente, Palawan, your destination of choice! Kaya fly Sky Jet Air na! Visit the Long Beach sa San Vicente, Palawan, Philippines! Congratulations Sky Jet at Mabuhay ang Turismo ng Pilipinas!