HUWAG MASYADO VICE GANDA

Huwag masyadong nagmamaganda Vice dahil Ganda ka na! Huwag masyadong mataas na ang lipad dahil minsan ka ng muntikan ng bumagsak at salamat sa social media dahil kahit papano ay nakaalagwa ka! Huwag masyadong bilib sa sarili at sa milyon-milyong followers dahil hindi lahat ng yan ay natutuwa sa minsa'y talas ng dila mo at asta mo sa iyong kapwa.

Nitong Martes lang, June 23 ay naglabasan sa online news ang diumano'y pango-okray ni Vice sa isang contestant ng It's Showtime's Reina Ng Tahanan kung saan naisipan at naisingit pa nitong banggitin ang pangalan ng anak-anakang si Quezon City Congressman Alfred Vargas na may kasamang pango-okray sa telebisyon.

Hindi ako natuwa sa ginawa ni Vice. Gigil ako. Yung ganung gesture ay hindi dapat pinapakita o sinasabi sa mukha ng national television. Hindi tama na magpatutsada ka na medyo heavy ang dating sa amin.

Oo Vice! Yung Congressman na nag-inhibit last year nung mag-botohan sa Kongreso. Alam mo ba Vice ang kanyang totoong dahilan kung bakit? Nararamdaman mo ba that time kung ano ang kanyang nararamdaman kaya nag-inhibit siya? Hindi mo ba naisip na kaya siya nag-inhibit ay dahil ayaw niyang may masagasaan siya dahil kasamahan natin siya sa industriya at kahit papano ay alam niya ang salitang utang na loob sa network?

Oo Vice! Si Alfred Vargas na siya na lihim na tumutulong sa napakaraming tao na kanyang kinasasakupan na kahit hindi niya na sakop ay panay ang paghahatid niya ng serbisyong totoo at lihim na nakikiramay sa kanyang kapwa ng walang nakatutok na kamera para makakuha sana siya ng simpatiya at libreng publicity.

Na nagseserbisyo ng walang hinihinging kapalit at galing sa puso ang ginagawa. Nakakaloka ka lang Vice kasi masyado ka kapag magsalita na pakiramdam mo ay institusyon ka at pakiramdam mo ay tama lahat ng sinasabi mo!

Sinabi mo pa na alam na sa eleksiyon! Anong meron sa eleksiyon Vice? Na hindi na dapat iboto si Alfred ng kanyang mga constituents sa distritong sakop nito dahil lang sa nag-inhibit ito kaya ipinasara ang ABS-CBN kung saan ka kumikita ng limpak-limpak na salapi? Palagay mo bobo ang mga tao at agad-agad ay huhusgahan nila ang napakabuting kongresista na masama na ito dahil nag-inhibit siya?

Sino ka sa pakiramdam mo para diktahan sila? Dahil lang ba dun ay buburahin nila sa kanilang mga isipan ang pagiging mabuting public servant ni Congressman Alfred Vargas ng Quezon City? 

Be kind Vice Ganda dahil pinitik ka na rin ng ilang beses kaya nga damay damay na sa pagsasara ng Kapamilya Network diba? Huwag masyado Vice. Ang hilig mo sa parinig! Isang taon na ang nakaraan at dapat matuto na tayong maging mabuti at hindi na naga-ganyan! 

Sobrang blessed ka na sa buhay mo na mula sa WALA ay NAGKAROON ka! Kaya dapat maging mabuti at timbangin mo ng maayos ang iyong pakikipag-kapwa-tao! Lalo na sa mga binibigkas mong salita! Tandaan mong mismong ang daily noontime show mo ngayong Its Showtime ay laglag na laglag o lagapak na sa ratings at mukhang kinakalawang na! Not too much Vice! 

Baka sa sobrang taas mo ay ikaw na mismo ang nagtutulak sa sarili mong pagbagsak! Alalahanin mo nalang ang mga fans mong minahal ka ng walang kundisyon kaya be kind! Dahil delikado ang salitang ' too much '! Marami ang babagsakang rason yan kung bakit!

DANIEL AT KATHRYN O KATHNIEL GOT THEIR 1ST DOSE OF VACCINE AGAINST COVID-19

Nitong umaga ng lunes ay tuluyan na nga'ng nagpa-vaccine ang real life couple na KathNiel  na sina Daniel Padilla at Kathryn Bernardo against Covid 19.

Naganap ang vaccination sa dalawang sikat na aktor at magagaling na endorser sa Makati vaccination hub ng MMDA sa pakikipagtulungan ng MMFF para sa mga manggagawa ng Pelikulang Pilipino na nasa A4 category.

Mula sa kani-kanilang tahanan ay dumating ng mga 9am sina Daniel at Kathryn sa Makati. Dumaan sa mga proseso kung saan tiningnan din ang kanilang vital signs at nakinig sa isang orientation ng mga DOH doctors.

Mukhang kinunan na rin kanina ang ipapalabas na video ng dalawang sikat na manghihikayat sa lahat na dapat magpa-bakuna para maging ligtas ang buong pamilya ganoon na rin ang buong sambayanang pilipino!

We cannot deny the fact or it's a fact naman talaga na malakas talaga ang influence ng dalawa pagdating sa mga kabataan. Kaya naman isa ang KathNiel loveteam sa mga napiling magkaroon ng endorsement ng panghihikayat na magpabakuna na!

Good job KathNiel!

©️

SEAN DE GUZMAN NANINIWALA BANG MAY HULING BAKLANG BIRHEN?

Hindi na paaawat pa si Sean De Guzman sa patuloy niyang pag-akyat sa kanyang showbiz career bilang isang bahugang aktor. Simulang ipinakilala siya bilang bidang aktor sa pelikulang Anak Ng Macho Dancer ay nagsunod-sunod nang mga movie projects nito. Isa na rito ay ang pelikulang Ang Huling Baklang Birhen Sa Balat Ng Lupa na pinagbibidahan ni Teejay Marquez kung saan si Direk Joel Lamangan pa rin ang naging direktor nila. Kamusta naman ang kanyang trabaho?

" Masaya naman po ang naging experience ko sa set ng AHBBSBNL. Mejo relax po ito sa mga nauna kong project. Napaka- professional nilang ka- trabaho and may kaunting bonding kame kapag may break kame, tawanan, kwentuhan. " bulalas pa ni Sean.

Ano naman ang kanyang role sa movie?

" Ang ginanapan kong character dito ay si MICHAEL na napagpapatibok sa puso ni POLDO (Teejay Marquez). Yung role ko dito ay very relax lang kumpara sa mga nauna kong ginampanan. Ang saya po sa shooting. Tawanan po kami ng tawanan. " aniya.

Naniniwala ba siya sa titulo ng pelikulang kinabibilangan niya?

" Sa pelikulang ito “YES” ayun ay si POLDO si TEEJAY, Pero kung sa totoong buhay hindi ako sigurado HAHAHHA." natawang tsika pa nito.

Sa Alabat Island, Quezon Province naman kinunan ang pelikulang Nerisa. Ka-tandem naman dito ni Sean ang baguhang seksing aktres din at palabang si AJ Raval. Kamusta naman ang kanilang first meeting at shooting agad? 

" Maayos po katrabaho si AJ RAVAL and katulad ko na baguhan din sa industry, nage-explore at madami din siyang natututunan. Besides naging close kame ni AJ hindi lang siya maging yung mga co-actors namin, super close na kaming lahat. " kuwento pa ni Sean.

Nang tanungin ko siya kung anong parte ng katawan ni AJ ang pinaka-seksi?

" Siguro sakin na lang yon LOL." deretsahang tugon ni Sean.

Sa kasalukuyan ay masasabi nating making waves na rin si Sean De Guzman in this business. Anong pakiramdam niya?

" Hanggang ngayon po siyempre hindi padin ako makapaniwala na nabigyan ako ng chance na maipakita yung talent ko sa industriyang ito, pero ngayon unti- unti ko na nararamdaman iyon. Sobrang overwhelmed though namimiss kong mag perform kasama mga ka grupo ko, but for now may kanya kanya na rin kaming path sa showbiz industry na and I’m very proud of them atleast lahat kaming mga natira sa grupo ay may nararating narin po kahit papano. " paglalahad pa ng sikat na ring aktor.

Anu-anong pagbabago naman ang naidulot nito sa kanyang pribadong buhay?

" May mga restrictions na din, pero syempre hindi ko naman tinitignan yung sarili ko na napaka espesyal at mataas. Ngayon mejo nakaka recover na ako despite of this pandemic. As a breadwinner of the family, super saya ko dahil kahit papaano nakakapag provide na ako ng sapat sa pamilya ko. " pagtatapos pa ni Sean.

JOHN LLOYD CRUZ AT POKWANG CERTIFIED KAPUSO NA

Sina John Lloyd Cruz at Pokwang ay dalawa lamamg sa naglalakihang bituin ng Kapamilya Network na tuluyan na nga'ng pumirma ng kontrata sa bakuran ng Kapuso Network. Ayon sa tsika, parehong nasa pamumuno na ngayon ng GMA Artist Center ang dalawa at may nakalaang proyekto na rin daw sa GMA ang bawat isa.

Hindi namin alam kung totoong makakasama ni John Lloyd Cruz sa gagawin nitong sitcom si Pokwang pero maugong ang balita.

Mukhang may mga naka-hilera pang Kapamilya Stars na hindi lang mga chararat ha kundi big names in the industry ang diumano ay inaayos na rin ang mga pipirmahang kontrata. Kumbaga, pang-buena mano lang daw ang dalawa!

Well, alangan namang nga nga na rin sina JLC at Pokwang? Aba'y may mga pangangailangan din yan sa buhay-buhay at kailangan din nilang kumanta ng i will survive noh! 

Amg mahala ay may blessing naman ang kanilang dating network sa kanilang pag-alis noh! Ganoon talaga! We have to live ika nga nila plus the fact na pareho namang magagaling na artista sina JLC at Mamang Pokwang noh! Kumbaga made na sila at hindi yung mga pinulot lang sa kangkongan!

In this case, wr wish Mamang Pokwang and JLC the best! May offer at maganda at malaking bagay at nagtiwala ang isang network....WHY NOT! 

Tama lang naman ang kanilang naging desisyon noh! Am sure pinag-isipan din naman nila ito ng mabuti at maayos! 

Congrats JLC at Mamang Pokwang!

SILAB MOVIE NINA CLOE BARRETO MARCO GOMEZ AT JASON ABALOS IRE-RELEASE NG VIVA FILMS

Habang sino-shoot palang ang pelikulang Silab na pinagbibidahan nina Cloe Barreto, Jason Abalos at Marco Gomez ay naging usap-usapan na ang nakakalokang script nito written by the famous Raquel Villavicencio na according to Direk Joel Lamangan who directed the film ay magaling talaga lalo na kapag ang script na sinusulat nito ay patungkol sa mga babaeng ' krung-krung ' o kuwento ng may mga saltik at baliw! 

Totoo nga! Dahil mismong si Cloe Barreto na siyang bida sa film produced by 316 Media Network ni Len Carrillo ay umakma sa role niya because in real life ay may saltik o baliw-baliwan din daw siya. Well, Cloe nailed it! Sabi nga namin kay Cloe na meant to be talaga sa kanya ang script.

Napanood na rin namin ng dalawang beses ang movie. Una with the PR ng 316 kasama si Direk Joel at nung huli ay sa ginanap naming press preview kung saab umani ng papuri ang buong cast ng film. 

That moment, sabi ko sa sarili ko na posibleng isang mega movie company ang magre-release nito at hindi nga ako nagkamali.

Just recently ay nabalitaan naming Viva Films na nga ang magre-release ng launching movie ni Cloe Barreto. Well! Tama lang kasi Viva Artist naman siya at si Marco Gomez, hindi ba plus factor yun? Anyways, naku, abangan niyo na ang theatrical release nito. Napakaraming pasabog at maloloka kayo sa twist ng istorya! 

Kakawindang! Panalo ito! Congrats sa 316 Media Network at 316 Events And Talent Management.

XIAN LIM NAGING INSPIRADO SA BUHAY NI YORME ISKO MORENO AT KAPAG NABIGYAN NG PAGKAKATAON AY POSIBLE DIUMANONG PASUKIN ANG PULITIKA

Kapag nabigyan ng pagkakataon ay open o bukas diumano ang isang Xian Lim sa pagpasok sa mundo ng pulitika. Ito ang inamin ni Xian nang tanungin ito ng isang kasamahan namin sa entertainment press during our interview with him sa ginanap na intimate set visit para sa musical movie'ng YORME sa loob mismo ng Manila City Hall kung saan ginagampanan ni Xian ang adult Yorme. 

Bilang naging Yorme sa movie, sa kanyang pagganap, napakarami diumanong natutunan si Xian sa kanyang role. Humanga diumano lalo si Xian sa pagkatao ni Manila Mayor Isko Moreno at napaka-inspiring diumano ang naging buhay ni Isko. Lalong-lalo na diumano ang puso nitong walang sawa sa pagbibigay ng tulong sa kanyang kapwa!

Isang mabuting ehemplong dapat naman talagang tularan ang isang Isko Moreno.

Ipapakita sa pelikula ang ilan lamang sa mga naging dark sides of his life ni Mayor Isko at wala diumanong hindi ipapakita. 

Ayon rin kay Xian, isang napakagandang experience para sa kanya bilang isang aktor ang gampanan ang isang buhay na character sa pelikula lalo na't hindi raw naging madali para sa kanya ito. 

Ang YORME ay mula po sa panulat at direksyon ni Joven Tan at produced po ng Saranggola Productions ni Tita Edith Fider. 

Mapapanood na soon ang movie!!!

YORME ISKO MORENO NG MAYNILA, HINARAP ANG DALAWANG YORME SA PAGSASAPELIKULA NG KANYANG BUHAY NA SINA XIAN LIM AT MCCOY DE LEON

Nitong araw ng huwebes, June 16, 2021 ganap na ika-6 ng gabi ay tuluyan na nga'ng nagkita in-person sina Manila Mayor Isko Moreno, Mccoy De Leon at Xian Lim sa mismong tanggapan ng Manila City Hall. Ito ay may kinalaman sa pagsasa-pelikula ng Saranggola Productions ni Edith Fider sa naging karera sa buhay ni Isko Moreno bago pa man ito ngayon naging Mayor ng Maynila. Parang courtesy call ang nangyari na isinabay na rin ni Direk Joven Tan sa shooting ng movie na may kukunan din that evening na mga eksena sa loob mismo ng Manila City Hall. 

Nagkaroon kami ng pagkakataong makausap kahit saglit ang tatlo.

" Happy to see you po. Sobrang blessed lang ako siguro dahil napili po akong gaganap bilang batang Yorme. Diko po ito ine-expect na yung pagganap ko palang bilang young Yorme, isang karangalan napo para sa akin. Kaabang-abang po ang movie na ito. Something new tapos life story papo ng isang dating aktor at ngayon ay isang Mayor na ang malalaman nila ang buhay. Masaya po ako. " bulalas pa sa akin ni Mccoy De Leon na gumaganap bilang binatang Isko Moreno sa film.

Nung tanungin naman si Xian Lim patungkol sa experience niya bilang adult Isko Moreno sa film ay naging maboka naman ito sa pagsasabing..

" You'll get inspired talaga sa naging buhay ni Yorme in this movie. Ang dami niyang pinagdaanan and na-enjoy ko ang role ko na parang lalo akong naging inspirado sa buhay and yung dedication niya bilang Mayor, wow! " sez Xian Lim.

Napag-alaman din namin na hindi nagpabayad ng kanyang life story rights ba tawag doon si Mayor Isko Moreno sa pelikulang ito. Mas ginusto niya diumanong maitulong nalang sa kanyang kapwa ang bayad na dapat sana ay para sa kanya.

" I always help. Kung makakatulong, okey na ako. Nakita niyo naman sa mga endorsements ko, lahat, binigay ko rin palabas ang tf ko. I wanna help. Wala akong pakialam kung mapuno man ng billboard ko ang Edsa as long as nakakatulong ako sa kapwa ko! " paglalahad pa ni Mayor Isko.

Possible Presidential Candidate ngayong 2022 National Elections si Mayor Isko. Pero ayun na rin sa kanyang naging sagot sa amin during our interview na wala pa siyang opisyal na magiging pahayag patungkol dito. 

Sabi nga ni Mayor Isko....GOD FIRST!

JOHN LLOYD CRUZ AKTIBONG MULI SA SHOWBIZ

Fan ako ng isang John Lloyd Cruz. Nakita ko kung paano siya nag-grow bilang isang artista sa showbiz. Nakita ko kung paano niya inalagaan at minahal ang kanyang karera kaya naman he nailed it at ngayon ay isang tinitingalang aktor sa industriya ng pelikula at telebisyon.

Gumawa ng naga-gandahang pelikula at teleserye. Sinubaybayan at minahal ng taongbayan kaya naman sa bawat kibot niya ay nakatingin sa kanya ang madlang pipol mula noon magpahanggang ngayon. 

Higit sa lahat, kumikita sa takilya ang bawat pelikang ginagawa niya na nagpapatunay lamang na siya ay isang bankable actor! 

Kaya naman sa umusbong na balitang magbabalik telebisyon na siya o magiging visible na siya ulit sa showbiz ay talaga namang pinag-usapan siya kamakailan. Patunay lang na hindi talaga nalalaos ang mga nagagaling na artistang minahal ng masa. Mga artistang pinilahan ang mga pelikula kaya naman mawala man sila sa showbiz at babalik, still, nandoon yung kinang nila at pagnanasa ng mga umiidolo sa kanilang nakaantabay sa kanilang pagbabalik! 

Meaning, John Lloyd Cruz is JLC! Ganoon lang yun! Kasi magaling siyang artista! Sa showbiz ganoon eh! Wala kang magagawa kung bakit maingay na naman ang isang JLC! Dahil sikat siyang artista at AKTOR SIYA!

TOTOO BANG NAGPAPARAMDAM SI JOSHUA GARCIA KAY KIM DOMINGO?

Sa gitna ng pandemya ay isang tsikadorang tsismong chararat ang nakasalamuha ko sa tabing ilog. Mukhang mabitamina ang ipinaabot nitong tikatik sa akin huh! Mukhang nadulas lang sa akin si tsikadorang tsismosang chararat nang hindi nito sinasadyang masabing nagkakamabutihan na raw sina Joshua Garcia at Kim Domingo! Meaning, hindi pa kumpirmadong mag-syota sila kundi mukhang panay naraw ang paramdam ni Joshua kay Kim! 

Sabi ko naman, why not cocomut kung totoo man yang naitikatik mo sa akin tsikadorang tsismosang chararat noh! 

Pareho naman yata silang loveless at walang sabit este walang mga jowa kaya posible nga namang ligawan ni boy si girl! Plus the fact na bagay naman sila noh! 

Pansin ko lang, mahilig talaga si Joshua sa mestisa noh? Yung kasing-mestisa ko? Charoooot! Anyways, let's just wish them luck and sana mag-work ang lahat! Hindi ba Joshua Garcia?

SEAN, MARCO, CLOE, CHRISTINE AT QUIN NASA VIVA ARTIST AGENCY NA

Umaariba na ngayon sa bakuran ng Viva Artist Agency ang 5 produkto ng 316 Events And Talent Management ni Len Carrillo. Unang pumirma si Sean De Guzman pagkatapos itong magpakitang gilas sa launching movie nitong Anak Ng Macho Dancer ng Godfatber Productions ni Joed Serrano. Sumunod naman si Cloe Barreto na mapapanood naman sa launching movie nitong Silab na produced ng 316 Media Network. Hanggang sa pumirma na rin sina Quin Carrillo, Marco Gomez at Christine Bermas kamakailan lang. 

Parehong produkto ng tiniliang Clique V at Belladonnas ang 5 talents ng 316 na magkakaroon na ng kanya-kanyang proyekto sa bakuran ng Viva. Ayon kay Len Carrillo na Nanay-Nanayan ng lima ay nakakataba ng puso ang tiwalang ibinigay ng naturang movie company sa kanyang mga anak-anakan. 

Hindi lamang masaya si Len sa limang nasa bakuran ng Viva kundi masaya rin siya sa kinatatayuan ngayon nina Karl Aquino at Gelo Alagaban sa bakuran naman ng GMA Talent Center lalo na't kasama naman ang dalawa sa isang locked-in taping ng Network para sa isang teleserye nito.

Sa lahat ng blessing na ito, wala ng ibang hiling pa ang 7 talents ng 316 kundi ang pagtuloy-tuloy ng trabaho kahit nasa pandemya pa tayo.

Just yesterday ay nakauwi naman sina Sean, Gelo at Karl mula sa kanilang taping out of town at kaagad binisita anv kanilang Nanay Len.

Peraonally ay nakakatuwa ang nangyayari ngayon sa karera ng mga bagets na pini-pr ko na rin ng almost 5 years! 

Sabi ko nga sa kanila, pray and stay humble at focus sa kanilang pangarap sa buhay. Kasi hindi lahat ng naga-artista ay nabibigyan ng magandang break at pansin!