ARA MINA AT DAVE ALMARINEZ IKAKASAL NGAYONG ARAW SA BAGUIO CITY

Ngayong araw na ito, June 30, 2021 ay magaganap na sa isang exclusive place sa Baguio City ang pag-iisang dibdib nina Ara Mina at Dave Almarinez. Mamayang hapon ang kasal kung saan dadaluhan ito ng mga piling imbitadong kaibigan ni Ara Mina sa showbiz partikular na ang mga kinuha nilang Ninong at Ninang ni Dave para sa kanilang sagradong araw.

Mas pinili yatang huwag paingayin o mag-ingay ng dalawa para sa kanilang wedding day dahil tahimik lang ito habang inaayos ang lahat sa kabila ng napakaraming naghihintay ng balita patungkol sa kasalang ito.

Finally, ika nga ng isang kaibigan ay nakatagpo na si Ara ng lalakeng makakasama niya habangbuhay at batid naming masayang-masaya si Ara sa kanyang desisyong magpapatali na siya kay Dave Almarinez na isang politician. Sabi nga nila, may forever dahil matagal-tagal na rin palang magkasintahan ang dalawa ng tahimik lang.

This is the day tsika pa ng isang kaibigan dahil makakabuo na rin daw ng isang matatawag na sariling pamilya si Hazel.

Nabatid din naming kahit naghahanda si Ara para sa kasal nila ni Dave ay ratsada pa rin sa pagti-taping si Ara para sa kanyang ilang tv series commitments! Masipag naman talaga si Ara noon pa. Nandiyan din ang pagtututok pa nito sa kanyang HazelBerry Cafe na negosyo at kung anu-ano pa!

Mabuhay ang bagong kasal Ara at Dave!

XIAN AT MCCOY BUMILIB LALO KAY YORME ISKO

Sina Xian Lim at Mccoy De Leon ang dalawang movie and television actors na bibida sa pelikulang ' Yorme ' ni Manila Mayor Isko Moreno. Si Mccoy ang binatang Yorme at si Xian naman ang kasalukuyang Yorme.

Sa aming pakikipagtsikahan sa dalawang aktor ay nabatid naming pareho silang naging excited sa pelikula nung banggitin ito sa kanila. Interesting daw ang naging buhay ni Isko simulang makilala ito sa showbiz. Kaya naman hindi na sila nagdalawang-isip na angkinin ang kani-kanilang role.

Ayon mismo kay Isko in our interview, hindi na siya nagpabayad ng life story rights niya dahil mas ninais daw nitong itulong nalang ito sa mas nangangailangan since yun naman daw ang gustong-gusto niyang gawin sa Maynila ang pagtulong sa kapwa.

Ayon mismo kay Mayor Isko, ipapakita sa buong pelikula ang kanyang naging dark side nung panahong walang-wala pa siya sa buhay at hindi niya diumano ito ikinahihiya dahil simula naman daw noon pa ay naging bukas naman sa publiko ang kanyang buhay at wala na siyang maitatago pa.

Ayon kena Xian at Mccoy, inspirasyon o magsilbing inspirasyon diumano si Manila Mayor Isko sa lahat dahil makikita sa pelikula kung paano niya inayos at ini-angat ang kanyang buhay matupad lang ang kanyang mga pangarap na sinimula niya noon sa That's Entertainment.

Isang musical movie ang Yorme na produced ng Saranggola Productions at mula naman ito sa direksyon ng award-winning composer-hitmaker na si Direk Joven Tan.

Wala pang nabanggit kung anong buwan ipapalabas ang movie na kinunan karamihan sa mga eksena sa Maynila.

' TAYA ' NINA SEAN DE GUZMAN AT AJ RAVAL BOLDER AND WILDER

Just recently ay nagkaroon na ng story conference ang pelikulang ' Taya ' na pagbibidahan nina Sean De Guzman at AJ Raval. Produced ito ng Viva Films ni Boss Vic Del Rosario at mapapanood sa Viva Max PH.

Ito na ang pangalawang movie project ni Sean sa bakuran ng Viva Films since nakapaloob din ito sa kanyang pinirmahang movie contract sa Viva Artist Agency.

Bilang publicist ng 316 Events And Talent Management ni Len Carrillo ay nakakatuwang isipin na ang aming alaga ay making waves na ngayon sa mundo ng showbiz na ayon kay Sean ay naging maganda ang pagtanggap sa kanya simulang mailunsad siyang bidang aktor sa pelikulang ' Anak Ng Macho Dancer ' ng Godfather Productions ni Joed Serrano.

Ayon mismo sa writer-director ng pelikulang ' Taya ' na si Roman Perez Jr. ay kaabang-abang dito sina Sean at AJ kung papano nila gagampanan ang kani-kanilang role sa isang psychedelic erotic thriller movie na mas bolder daw at wilder.

Co-written ito ni John Carlo Pacala na siya ring nagsulat ng pelikulang ' Bagman '. Unang naging proyekto naman ni Direk Roman ang pelikulang ' Adan ' noon na pinagbidahan ni Rhen Escano.

Tapos na rin ang pelikulang ' Lockdown ' kung saan isa si Sean sa limang bidang lalake. Boyfriend naman siya ni Teejay Marquez sa pelikulang ' Ang Huling Baklang Birhen Sa Balat Ng Lupa ' na parehong idinerehe ni Joel Lamangan.

XIAN AT JENNELYN PROJECT SA GMA 7 KASADO NA

Masuwerte ang isang Xian Lim dahil hindi ito nawalan ng television and movie project kahit nasa gitna tayo ng pandemic. Just imagine, nung tinanggalan ng prangkisa ang Kapamilya Network ay kaagad namang nakasungkit si Xian ng magandang hosting job bilang siya naman talaga ang napili bilang host ng 1000 Heartbets na isang game show sa bakuran ng TV5 na nitong June 12 lang natapos ang Season 1 nito na magkakaroon daw ng Season 2 within the year ends. 

No need to question that because 2018 pa nung umalis si Xian sa bakuran ng Star Magic at lumipat nga ito sa Viva Artist Agency kaya mabilis ang transaksiyon. Wala namang isyu dito dahil since 2008 ay naging Kapamilya naman si Xian bilang contract artist ng Star Magic noh!

Well deserved ni Xian lahat ng magandang blessings sa kanyang showbiz career dahil kilala namin si Xian sa pagiging professional at grabe kung magtrabaho. 

Sa isang item na lumabas sa isang online showbiz page ay kumpirmado na nga ang isang drama series na gagawin ni Xian sa bakuran naman ng GMA Channel 7.

Ito ay ang Love, Die, Repeat bilang working title kung saan niya naman daw makakatrabaho si Jennelyn Mercado. 

Balitang this month of July na ang sked taping nilang dalawa ni Jennelyn at marami na rin sa Kapuso ang excited sa bagong tandem na ito.

Kung walang changes, ito na ang kauna-unahang proyektong gagawin ni Xian sa bakuran ng Kapuso Network. Ilang shooting days nalang ay matatapos na rin ni Xian ang shooting niya para sa pelikulang YORME bilang bidang aktor na kamakailan lang ay nagkaroon sila ng courtesy call sa Manila City Hall with Manila Mayor Isko ' Yorme ' Domagoso. 

Wait, may blessing kaya dito si Kim Chiu? Siguro naman diba! Si Kim pa ba? Si Xian pa ba? Bongga! Sige Xian, ariba ariba lang lalo na ang iyong pagti-Tiktok huh! Aba! Hindi na rin siya paawat huh! 

TANTANAN NA ANG PANGUNGUWESTIYON SA LOYALTY NI POKWANG

Batid ko na bago pa man ipinasara ang Kapamilya Network ay plano na ni Mamang Pokwang ang lumipat sa ibang istasyon pero hindi ako sure that time kung what network siya lilipat. Kung ating matatandaan ay tanging Banana Sundae nalang ang show niya that time sa bakuran ng ABS-CBN.

Pero dahil nga sa loyalty niya sa kanyang mother network at isama mo na rin ang mga taong nasa loob ng network na minahal niya ng napakahabang panahon ay hindi ganoon kadaling magdesisyon para sa isang Pokwang.

Hondi niya kayang basta-basta nalang iwan sa ere for sure ang isang tahanang nagmolde sa kanyang kakayahan bilang isang sikat na komedyante at magaling na aktres!

Ang mga pag-aalalang yun ni Mamang Pokwang ay katunayang hindi niya tinalikuran ang salitang utang na loob!

Hanggang sa nitong nakaraang linggo lang ay tuluyan na nga'ng pumirma ng kontrata sa bakuran ng GMA Channel 7 partikular sa GMA Artist Center si Pokwang at naibalita na rin nito ang kanyang mga gagawing proyekto.

Tama si Mamang Pokwang! May pamilya siyang binubuhay at kailangan niyang maghanap-buhay para sa kanila. Walang masama sa kanyang ginawa. Ito ay tinatawag na career move sa showbiz kung saan alam niya ang kanyang halaga bilang isang celebrity. Alam niya kasi ang kanyang kakayahan kaya alam niyang darating ang isang pagkakataong kahit sinong artista ay hinding-hindi ito pakakawalan.

Kaya tantanan niyo na ang pangunguwestiyon sa kanyang naging loyalty sa Kapamilya Network dahil inilaban niya rin naman ito ng patas!

Ang desisyon niyang pagpirma ng kontrata sa bakuran ng dating kalabang network ay isang napakalaking oportunidad upang bumango ulit ang kanyang pangalan at upang mabuhay ang career at upang mabuhay ng maayos.

Isang desisyong binibigyan ko ng pag-saludo dahil iyan ang tama! We love you Mamang Pokwang and more power sa iyong bagong career sa iyong bagong tahanan! 

HUWAG MASYADO VICE GANDA

Huwag masyadong nagmamaganda Vice dahil Ganda ka na! Huwag masyadong mataas na ang lipad dahil minsan ka ng muntikan ng bumagsak at salamat sa social media dahil kahit papano ay nakaalagwa ka! Huwag masyadong bilib sa sarili at sa milyon-milyong followers dahil hindi lahat ng yan ay natutuwa sa minsa'y talas ng dila mo at asta mo sa iyong kapwa.

Nitong Martes lang, June 23 ay naglabasan sa online news ang diumano'y pango-okray ni Vice sa isang contestant ng It's Showtime's Reina Ng Tahanan kung saan naisipan at naisingit pa nitong banggitin ang pangalan ng anak-anakang si Quezon City Congressman Alfred Vargas na may kasamang pango-okray sa telebisyon.

Hindi ako natuwa sa ginawa ni Vice. Gigil ako. Yung ganung gesture ay hindi dapat pinapakita o sinasabi sa mukha ng national television. Hindi tama na magpatutsada ka na medyo heavy ang dating sa amin.

Oo Vice! Yung Congressman na nag-inhibit last year nung mag-botohan sa Kongreso. Alam mo ba Vice ang kanyang totoong dahilan kung bakit? Nararamdaman mo ba that time kung ano ang kanyang nararamdaman kaya nag-inhibit siya? Hindi mo ba naisip na kaya siya nag-inhibit ay dahil ayaw niyang may masagasaan siya dahil kasamahan natin siya sa industriya at kahit papano ay alam niya ang salitang utang na loob sa network?

Oo Vice! Si Alfred Vargas na siya na lihim na tumutulong sa napakaraming tao na kanyang kinasasakupan na kahit hindi niya na sakop ay panay ang paghahatid niya ng serbisyong totoo at lihim na nakikiramay sa kanyang kapwa ng walang nakatutok na kamera para makakuha sana siya ng simpatiya at libreng publicity.

Na nagseserbisyo ng walang hinihinging kapalit at galing sa puso ang ginagawa. Nakakaloka ka lang Vice kasi masyado ka kapag magsalita na pakiramdam mo ay institusyon ka at pakiramdam mo ay tama lahat ng sinasabi mo!

Sinabi mo pa na alam na sa eleksiyon! Anong meron sa eleksiyon Vice? Na hindi na dapat iboto si Alfred ng kanyang mga constituents sa distritong sakop nito dahil lang sa nag-inhibit ito kaya ipinasara ang ABS-CBN kung saan ka kumikita ng limpak-limpak na salapi? Palagay mo bobo ang mga tao at agad-agad ay huhusgahan nila ang napakabuting kongresista na masama na ito dahil nag-inhibit siya?

Sino ka sa pakiramdam mo para diktahan sila? Dahil lang ba dun ay buburahin nila sa kanilang mga isipan ang pagiging mabuting public servant ni Congressman Alfred Vargas ng Quezon City? 

Be kind Vice Ganda dahil pinitik ka na rin ng ilang beses kaya nga damay damay na sa pagsasara ng Kapamilya Network diba? Huwag masyado Vice. Ang hilig mo sa parinig! Isang taon na ang nakaraan at dapat matuto na tayong maging mabuti at hindi na naga-ganyan! 

Sobrang blessed ka na sa buhay mo na mula sa WALA ay NAGKAROON ka! Kaya dapat maging mabuti at timbangin mo ng maayos ang iyong pakikipag-kapwa-tao! Lalo na sa mga binibigkas mong salita! Tandaan mong mismong ang daily noontime show mo ngayong Its Showtime ay laglag na laglag o lagapak na sa ratings at mukhang kinakalawang na! Not too much Vice! 

Baka sa sobrang taas mo ay ikaw na mismo ang nagtutulak sa sarili mong pagbagsak! Alalahanin mo nalang ang mga fans mong minahal ka ng walang kundisyon kaya be kind! Dahil delikado ang salitang ' too much '! Marami ang babagsakang rason yan kung bakit!

DANIEL AT KATHRYN O KATHNIEL GOT THEIR 1ST DOSE OF VACCINE AGAINST COVID-19

Nitong umaga ng lunes ay tuluyan na nga'ng nagpa-vaccine ang real life couple na KathNiel  na sina Daniel Padilla at Kathryn Bernardo against Covid 19.

Naganap ang vaccination sa dalawang sikat na aktor at magagaling na endorser sa Makati vaccination hub ng MMDA sa pakikipagtulungan ng MMFF para sa mga manggagawa ng Pelikulang Pilipino na nasa A4 category.

Mula sa kani-kanilang tahanan ay dumating ng mga 9am sina Daniel at Kathryn sa Makati. Dumaan sa mga proseso kung saan tiningnan din ang kanilang vital signs at nakinig sa isang orientation ng mga DOH doctors.

Mukhang kinunan na rin kanina ang ipapalabas na video ng dalawang sikat na manghihikayat sa lahat na dapat magpa-bakuna para maging ligtas ang buong pamilya ganoon na rin ang buong sambayanang pilipino!

We cannot deny the fact or it's a fact naman talaga na malakas talaga ang influence ng dalawa pagdating sa mga kabataan. Kaya naman isa ang KathNiel loveteam sa mga napiling magkaroon ng endorsement ng panghihikayat na magpabakuna na!

Good job KathNiel!

©️

SEAN DE GUZMAN NANINIWALA BANG MAY HULING BAKLANG BIRHEN?

Hindi na paaawat pa si Sean De Guzman sa patuloy niyang pag-akyat sa kanyang showbiz career bilang isang bahugang aktor. Simulang ipinakilala siya bilang bidang aktor sa pelikulang Anak Ng Macho Dancer ay nagsunod-sunod nang mga movie projects nito. Isa na rito ay ang pelikulang Ang Huling Baklang Birhen Sa Balat Ng Lupa na pinagbibidahan ni Teejay Marquez kung saan si Direk Joel Lamangan pa rin ang naging direktor nila. Kamusta naman ang kanyang trabaho?

" Masaya naman po ang naging experience ko sa set ng AHBBSBNL. Mejo relax po ito sa mga nauna kong project. Napaka- professional nilang ka- trabaho and may kaunting bonding kame kapag may break kame, tawanan, kwentuhan. " bulalas pa ni Sean.

Ano naman ang kanyang role sa movie?

" Ang ginanapan kong character dito ay si MICHAEL na napagpapatibok sa puso ni POLDO (Teejay Marquez). Yung role ko dito ay very relax lang kumpara sa mga nauna kong ginampanan. Ang saya po sa shooting. Tawanan po kami ng tawanan. " aniya.

Naniniwala ba siya sa titulo ng pelikulang kinabibilangan niya?

" Sa pelikulang ito “YES” ayun ay si POLDO si TEEJAY, Pero kung sa totoong buhay hindi ako sigurado HAHAHHA." natawang tsika pa nito.

Sa Alabat Island, Quezon Province naman kinunan ang pelikulang Nerisa. Ka-tandem naman dito ni Sean ang baguhang seksing aktres din at palabang si AJ Raval. Kamusta naman ang kanilang first meeting at shooting agad? 

" Maayos po katrabaho si AJ RAVAL and katulad ko na baguhan din sa industry, nage-explore at madami din siyang natututunan. Besides naging close kame ni AJ hindi lang siya maging yung mga co-actors namin, super close na kaming lahat. " kuwento pa ni Sean.

Nang tanungin ko siya kung anong parte ng katawan ni AJ ang pinaka-seksi?

" Siguro sakin na lang yon LOL." deretsahang tugon ni Sean.

Sa kasalukuyan ay masasabi nating making waves na rin si Sean De Guzman in this business. Anong pakiramdam niya?

" Hanggang ngayon po siyempre hindi padin ako makapaniwala na nabigyan ako ng chance na maipakita yung talent ko sa industriyang ito, pero ngayon unti- unti ko na nararamdaman iyon. Sobrang overwhelmed though namimiss kong mag perform kasama mga ka grupo ko, but for now may kanya kanya na rin kaming path sa showbiz industry na and I’m very proud of them atleast lahat kaming mga natira sa grupo ay may nararating narin po kahit papano. " paglalahad pa ng sikat na ring aktor.

Anu-anong pagbabago naman ang naidulot nito sa kanyang pribadong buhay?

" May mga restrictions na din, pero syempre hindi ko naman tinitignan yung sarili ko na napaka espesyal at mataas. Ngayon mejo nakaka recover na ako despite of this pandemic. As a breadwinner of the family, super saya ko dahil kahit papaano nakakapag provide na ako ng sapat sa pamilya ko. " pagtatapos pa ni Sean.

JOHN LLOYD CRUZ AT POKWANG CERTIFIED KAPUSO NA

Sina John Lloyd Cruz at Pokwang ay dalawa lamamg sa naglalakihang bituin ng Kapamilya Network na tuluyan na nga'ng pumirma ng kontrata sa bakuran ng Kapuso Network. Ayon sa tsika, parehong nasa pamumuno na ngayon ng GMA Artist Center ang dalawa at may nakalaang proyekto na rin daw sa GMA ang bawat isa.

Hindi namin alam kung totoong makakasama ni John Lloyd Cruz sa gagawin nitong sitcom si Pokwang pero maugong ang balita.

Mukhang may mga naka-hilera pang Kapamilya Stars na hindi lang mga chararat ha kundi big names in the industry ang diumano ay inaayos na rin ang mga pipirmahang kontrata. Kumbaga, pang-buena mano lang daw ang dalawa!

Well, alangan namang nga nga na rin sina JLC at Pokwang? Aba'y may mga pangangailangan din yan sa buhay-buhay at kailangan din nilang kumanta ng i will survive noh! 

Amg mahala ay may blessing naman ang kanilang dating network sa kanilang pag-alis noh! Ganoon talaga! We have to live ika nga nila plus the fact na pareho namang magagaling na artista sina JLC at Mamang Pokwang noh! Kumbaga made na sila at hindi yung mga pinulot lang sa kangkongan!

In this case, wr wish Mamang Pokwang and JLC the best! May offer at maganda at malaking bagay at nagtiwala ang isang network....WHY NOT! 

Tama lang naman ang kanilang naging desisyon noh! Am sure pinag-isipan din naman nila ito ng mabuti at maayos! 

Congrats JLC at Mamang Pokwang!

SILAB MOVIE NINA CLOE BARRETO MARCO GOMEZ AT JASON ABALOS IRE-RELEASE NG VIVA FILMS

Habang sino-shoot palang ang pelikulang Silab na pinagbibidahan nina Cloe Barreto, Jason Abalos at Marco Gomez ay naging usap-usapan na ang nakakalokang script nito written by the famous Raquel Villavicencio na according to Direk Joel Lamangan who directed the film ay magaling talaga lalo na kapag ang script na sinusulat nito ay patungkol sa mga babaeng ' krung-krung ' o kuwento ng may mga saltik at baliw! 

Totoo nga! Dahil mismong si Cloe Barreto na siyang bida sa film produced by 316 Media Network ni Len Carrillo ay umakma sa role niya because in real life ay may saltik o baliw-baliwan din daw siya. Well, Cloe nailed it! Sabi nga namin kay Cloe na meant to be talaga sa kanya ang script.

Napanood na rin namin ng dalawang beses ang movie. Una with the PR ng 316 kasama si Direk Joel at nung huli ay sa ginanap naming press preview kung saab umani ng papuri ang buong cast ng film. 

That moment, sabi ko sa sarili ko na posibleng isang mega movie company ang magre-release nito at hindi nga ako nagkamali.

Just recently ay nabalitaan naming Viva Films na nga ang magre-release ng launching movie ni Cloe Barreto. Well! Tama lang kasi Viva Artist naman siya at si Marco Gomez, hindi ba plus factor yun? Anyways, naku, abangan niyo na ang theatrical release nito. Napakaraming pasabog at maloloka kayo sa twist ng istorya! 

Kakawindang! Panalo ito! Congrats sa 316 Media Network at 316 Events And Talent Management.