CLIQUE 5...RARATSADA NA!

CLIQUE 5
Finally ay nailunsad na ang pinakabagong kakikiligang boy group na Clique 5! Ito ay kinabibilangan nina Clay, Karl, Marco, Sean at Josh. Nasa pamamahala sila ng 316 Events & Talent Management nina Len Carillo at Kathy Obispo. Dumaan sa masusing qualification test ang limang may kanya-kanyang taglay ng kaguwapuhan bago pa man sila isinalang sa matitinding dance rehearsals, acting workshops and voice lessons. Isa lang naman ang gustong mangyari ng kanilang management kundi ang maisalang silang hinog at handa na sa mundo ng showbizlandia! During the grand media launch na ginanap sa The Circle Events Place, Timog ay kaagad kong napansin ang attitude ng limang miyembro ng Clique 5! In-fairness sa kanila, determined talaga silang abutin ang pangarap nilang makilala sa mundo ng musika! Disiplinado! Pero ang tunay na maipagmamalaki mo pa sa kanilang lima ay ang kanilang husay sa pagkanta, hindi naman totally buo o perpekto na, pero puwede mo silang pakantahin ng acapella o isalang on the spot dahil kayang-kaya nilang gawin ito at hindi ka mapapahiya sa kakayahan nila. May kanya-kanyang sacrifices ang limang bagets but sabi ko nga sa kanila, yang mga sakripisyong yan, kapag niyakap ninyo ng buong-buo ang inyong mga pangarap at gusto sa buhay, someday, soon, tagumpay ang kapalit niyan! Ganoon naman sa showbiz, kanya-kanyang panahon lang yan! Tiyaga at pagmamahal sa karera ang puhunan tungo sa isang tagumpay! Kaya naman isang tagumpay rin ang makita namin personally ang pagdagsa ng kani-kanilang supporters ang Clique 5 last November 18 dahil mismong ang mga bagets pa ang nag-asikaso sa kanilang mga followers and friends na dumating naman para sa kanilang meet and greet right after the grand media launch! Since monday ay ratsada na nga ang publicity ng grupo mula print, tv, radio and internet kaya naman sobrang nagpapasalamat ang buong 316 Events & Talent Management sa lahat ng entertainment media na patuloy ang pagsuporta sa newest boy group ng bansa! Kaabang-abang din ang kanilang out of town shows lalong-lalo na ang kanilang pino-promote ngayong christmas single entitled TUWING PASKO! 

HAPPY BIRTHDAY QUEEN MOTHER KARLA ESTRADA!

" Sa dinami-rami ng biyayang dumating sa buong pamilya, wala na akong mahihiling pa ngayong birthday ko, good health always lang. Sobra-sobrang blessings na hindi ko inakalang ibibigay sa atin ng Panginoon!" Bulalas pang tsika sa akin ni Queen Mother ngayong araw mismo ng kanyang kaarawan. Lagi naman nitong sinasabing napakaraming bagay ang dapat nilang ipagpasalamat dahil simulang umariba ang karera ni Daniel Padilla ay umariba na rin ang kanyang karera tulad ng pagkakaroon ng television shows! Isang selebrasyon naman para sa malalapit nitong kaibigan sa showbiz ang magaganap ngayong biyernes ng gabi sa District 8, Greenhills kung saan part-owner naman si Daniel Padilla!