RAYVER CRUZ....TATAPUSIN ANG BAGANI BAGO LILIPAT SA GMA CHANNEL 7!

Hindi rin naman kasi biro ang karakter na ginagampanan ni Rayver Cruz sa teleseryeng Bagani ng Star Creatives kung saan bida ang tambalang LizQuen. Hindi rin matatawaran ang galing niya bilang isang aktor kaya naman minabuting tatapusin nalang daw ni Rayver ang pinag-uusapang serye bago ito tuluyang lilipat sa bakuran ng GMA Channel 7. Ayon mismo sa manager nitong si Albert Chua, ayaw din naman nilang umalis nalang basta-basta sa bakuran ng ABS-CBN Channel 2 kahit sabihing nakapag-paalam na sila sa Star Magic buwan pa ng Hunyo! Gusto lang din daw ng kampo ni Rayver na magiging matiwasay ang kanyang gagawing exit sa network kung saan siya naging loyal for almost 17 years! Kunsabagay, saganang akin lang, mas maganda na yung tapusin niya nalang ang naturang serye keysa umalis siyang may masasabing hindi maganda sa kanyang kampo ang ibang tao. Sa sitwasyong ito, makikita mo talagang propesyonal silang lahat dahil pinag-usapang mabuti ang isang desisyon nang walang masasaktang kapwa. Panoorin ang Bagani mula lunes hanggang biyernes sa Kapamilya Primetime-Bida!