JOSH...BALIK CLIQUE V!

Isa ako sa pinaka-masaya nang mabalitaan kong babalik sa grupong Clique V ang original member nitong si Josh. Hindi ko na kailangang banggitin ang naging dahilan ng kanyang pagkawala ng ilang buwan sa grupo. Maliit na problemang kapata-patawad naman dahil sesentro ka pa rin sa pag-uugali ng binata na isang mabait at masunurin. Bitbit ni Josh ang kanyang magulang nang sadyain nila ang 316 Events & Talent Management upang pakiusapan ang kanyang management na ibalik ito sa grupo. Madaling kausap si Len Carillo kaya naman naging madali ang pagbalik ng binata sa Clique V. Ikinatuwa naman ito ng mga kasamahan niya at ratsada na ngayon ang 7 members ng Clique V kasama ang 6 members ng Belladonnas para sa kanilang nalalapit na big concert sa SM North-SkyDome ngayong February 23! Maaring umpisahan na rin this month ang gagawin nilang Indie Film na ipo-produce mismo ng 316 Events & Talent Management. Nasa digital world na rin ang 2nd single ng Belladonnas titled Sa Una Pa Lang kasabay ng kanilang ginawang music video. Napapanood ang Belladonnas sa Kapamilya show na Banana Sundae!