JANJEP CARLOS NANALONG MR. GAY WORLD 2019 SA SOUTH AFRICA

Paalis palang ng bansa ay panay na ang sabi ni Janjep Carlos na iuuwi nito ang titulong Mr. Gay World 2019. Sa mga naging interview sa kanya ay naging deretsahan din siya sa pagsasabing magiging proud tayo sa kanya pagbalik niya ng Pilipinas mula Cape Town, South Africa! Kagabi lang, May 4, 2019 ay walang kaabog-abog na sinungkit ni Janjep Carlos ang titulo. Sa post ni Mama Genesis Gallios na kasama ni Wilbert Tolentino sa enrourage sa South Africa namin unang nakita ang balita. 
" Nakalimutan kona mag-post ng pagkapanalo ni Janjep sa sobrang saya namin ditong lahat! " tiktak pa ni Mama Gen na magpahanggang ngayon daw ay nagu-umapaw parin ang saya nilang nasa South Africa! Wala pang detalye kung anong araw ang balik ni Janjep Carlos sa bansa! Well, Mabuhay ka Janjep Carlos at Mabuhay ang Pilipinas! Mabuhay din ang LGBTQ community sa buong mundo!