" WALA NA AKONG KAILANGANG PATUNAYAN PA " AND AI THANK YOU NGAYONG AUGUST 14 NA!

Sa isang pocket presscon para sa promo ng kanyang latest film na AND AI THANK YOU mula sa direksyon ni Joven Tan na magso-showing na ngayong August 14 in cinemas nationwide ay naging deretsahan ang Comedy Concert Queen na si Ai Ai Delas Alas sa pagsasabing wala siyang pakialam kung ratsada siya sa paggawa ng pelikula. Ayon sa sikat na komedyante, basta't maganda ang materyales na ino-offer sa kanya, wala siyang pipiliin! Iba na diumano ang panahon ngayon at wala na yung mga drama tsu tsu di-tulad noon! Sinabi pa nitong sa tinagal-tagal niya na sa industriya ng pelikula at telebisyon, wala na siyang kailangang patunayan pa! Naabot niya na diumano ang tugatog ng kanyang karera at nagpapasalamat siya sa mga taong nagmahal at yumakap sa kanyang kakayahan bilang isang artista. Sa latest film nito, inamin nitong sa wakas ay naka-make-up siya sa buong shooting ng pelikula. Isa pala siyang aktres o artista rin sa movie na kakainggitan ni Rufa Mae Quinto. Aniya, kaaliw ang pelikula at nakakatawa talaga dahil ibang klaseng artista naman daw ang pinagagawa niya sa pelikulang ito ni Joven Tan. Nang kamustahin namin kung paano naman katrabaho si Direk Joven, naging maboka si Ai Ai sa pagsasabing magaan itong katrabaho at magaling na rin bilang isang direktor! Nanawagan naman ang comedy concert queen na suportahan natin ang pelikulang pilipino! And Ai Thank You! Handog po ng Horseshoe Studios at Reality Entertainment ang movie na ito! Let's support local films!