MARLO MORTEL TIYAGA LANG AT HUWAG MAPAGOD SA BUHAY

Sinadya namin sa bandang Bulacan area ang sikat na singer/ actor / host na si Marlo Mortel sa shooting ng latest movie nitong Santigwar mula sa direksyon ni Joven Tan na produced ng Horseshoe Studios at ire-release naman ng Reality Entertainment. Sa aming pakikipagtsikahan kay Marlo, paulit-ulit nitong sinabing hindi isyu sa kanya kung mainstream man o indie movie ang kanyang ginagawa. Mas mahalaga diumano ang biyayang ipinagkaloob sa kanya at ang tiwalang ibinigay sa kanya keysa bigyang-pansin ang sinasabi ng ibang tao. Sa pelikulang Santigwar na magso-showing na ngayong October 30 in cinemas nationwide ay medyo nahirapan daw si Marlo sa ginawa nitong katatakutang eksena sa pelikula. Inamin nitong mas mahirap ang gumawa ng horror movie. But Marlo insisted na he did his part well. In-fairness kay Marlo, magaling din siyang umarte. Malalim din umarte ito at alam naming darating din ang panahong mabibigyang-pansin din siya sa mundo ng showbiz at maipakita pa lalo ang kanyang galing bilang isang aktor.
Nabatid din naming sa lahat ng kanyang naging proyekto simulang maging active ang kanyang career, lahat daw ng mga iyon ay nangyari ayon na rin sa kanyang sariling diskarte. Sariling desisyon at paghihirap. Wala diumano siyang kinapitang tao o backer para umlagwa kaagad ang kanyang career at di-sanay sikat na sikat na ngayon! Nanindigan si Marlo na hindi niya kailangang gawin ang manggamit ng kanyang kapwa para lang sa kanyang sinasabing satisfaction sa buhay at ikakaganda pa lalo ng kanyang career. Pero sinabi rin nitong kung mkay mga artistang nagpapagamit para sa kapalit ng isang kasikatan, nirerespeto niya diumano ito at may kanya-kanya tayong paniniwala sa mundo. Meaning, hindi niya kailangang magpagamit lalo na sa mga maiimpluwensiyang tao sa showbiz para lang magka-career noh! Well, litanya pa ni Marlo, mas masarap sa pakiramdam kung ang lahat ng maging achievements daw natin sa buhay ay pinaghihirapan natin ng buong-buo.
Marlo also exclaimed that masaya na siya ngayon sa kanyang career kahit paisa-isa ang project na dumarating. Happy narin siya sa kanyang daily morning show na Umagang Kay Ganda bilang isa sa mga segement host nito for how many years. Malaking bagay diumano ang kanyang daily morning show upang mairaos niya ang kanyang mga pangangailangan sa buhay lalo na ang kanyang pamilya. May naging tampo rin pala si Marlo sa isang project niya noon kung bakit siya biglang nawala na lang sa eksena lalo na sa kanyang naging ka-loveteam. Pero noon daw yun at hindi siya marunong magtanim ng sama ng loob. Sabi nga namin, alam ng lahat kung paano niya iginapang noon ang kanyang namayapang Ina na ayon kay Marlo ay halos mawalan na siya lahat subalit lumaban siya at hindi nawalan ng pag-asa. Mahal na mahal niya raw ang kanyang Inang yumao at ginawa niya naman talaga ng lahat para dito hanggang sa huling hininga nito. Nakakaramdam diumano siya ng kapaguran pero hindi diumano siya napapagod lumaban sa buhay. Ang Santigwar ay ipapalabas napo sa mga sinehan simula ngayong October 30!!!

CARLO AQUINO GAGANAP BILANG BINGI AT SIGN LANGUAGE TEACHER SA PELIKULANG ISA PA WITH FEELINGS

Kulitan at tawanan lang ang dalawang bida ng pelikang Isa Pa With Feelings na sina Carlo Aquino at Maine Mendoza the whole time sa media conference na ginanap sa ABS-CBN Studio Experience ng Trinoma Mall. Halatang walang nararamdamang pressure si Maine when it comes to box-office dahil mismong si Carlo ay nagsabing maganda rin ang kanilang pelikula. Sinabi rin naman ni Maine na masaya siya na kumita ang pelikula ni Alden with Kathryn. Meaning, success na rin daw ng bawat isa sa kanila yun. Well, in-fairness kay Maine, napabilib niya ako sa ginawa nitong pag-arte sa movie ayun na rin sa teaser na napanood namin online and before the said presscon. Magaling din  palang umiyak si Maine at napaarte siya ng maayos sa movie. Aktres siya sa pelikula huh! Nawala yung imahe niyang kalog na komedyante lang. Masaya kami because this time ay makakaalagwa na rin si Maine sa kanyang imahe bilang komedyanteang kundi matatawag na rin siyang aktres dahil sa pelokulang ito. Wala namang malaking paghahandang ginawa si Maine while shooting the said movie ayon pa sa aktres. Pero inamin  nitong naging malaking factor si Carlo Aquino para mailabas at maipakita niya ang kanyang karakter sa pelikula. Hindi ko maiwasang purihion si Maine dahil in-all-fairness sa kanya ay may papatunayan siya sa pelikulang ito ng BlackSheep.na magso-showing na ngayong October 16 sa lahat ng sinehan sa buong bansa. Just a short kuwento lang about the movie. Parehong naghahanap ng kanilang tamang lugar sa buhay ang pinagtagpo sa pelikulang ito na sina Gali at Mara. Si Gani bilang isang bingi na sign language teacher at si Mara na isang intern na nawawalan ng gana sa buhay nang hindi siya makapasa sa board exam para sa architecture. 
Kasama din sa movie sina Cris Villanueva, Lotlot De Leon, Nikki Valdez, Kat Galang, Vangir Labalan, GeleennEugenio at Rafa Siguin-Reyna mula sa direksyon ni Prime Cruz.

STARLA MAGNININGNING NA SIMULA NGAYONG GABI SA KAPAMILYA PRIMETIME

Magniningning ang kalangitan ngayong gabi sa pagdating ni STARLA! 
Yes! Mapapanood na muli sa mukha ng telebisyon simula ngayong gabi ang nag-iisang Judy Ann Santos sa kanyang pinakabagong teleserye under Dreamscape sa Kapamilya Network. Muling pakikinangin ng nag-iisang Reyna ng Telebisyon ang ating bawat gabi sa Kapamilya Primetime. Sa latest series ng Television Queen ay kakaibang kuwento naman ang susuungin nito. Hindi ito yung the usual Juday na napapanood natin noon. Something new na kagigiliwan mo talaga ang kanyang karakter. Basta! Sa pakikipagtuos niya sa buhay sa serye ay maraming magic din ang mangyayari rito! Naglalakihang magagaling na aktor din sa industriya ang katrabaho ni Juday sa serye na magiging kasangga ng TV Queen upang maging masaya at madrama ang ating gabi sa Kapamilya Network! Abangan na simula ngayong gabi at huwag bibitiw!

ATING BALIKAN: NAGING CRUSH NOON NI ANDREA BRILLANTES SI DANIEL PADILLA

May naalala lang ako sa larawang ito. Balikan ko lang. Isang set visit noon para sa launching teleserye ni Andrea Brillantes ang aming pinuntahan. Nakausap namin that time si Andrea na Neneng Nene pa. Naging bukambibig niya noon na crush niya si Daniel Padilla. Na kapag nakikita niya ito ay kinikilig siya. Nakita namin how Andrea admired our Teen King. Hanggang sa magkita sila sa isang show at nagpa-picture pa yata si Andrea with Daniel. Obcourse alam ni Daniel yun. Pero dahil super kiddo pa si Andrea, binigyang pansin ito ni Daniel bilang isang nakababatang kapatid na babae dahil kilala namin si Daniel kung paano siya maging protective sa mga kapatid niyang babae na sina Magui at Carmela. Sa larawang ito, in-fairness, guwapong guwapo na si Daniel at napakagandang bata na ni Andrea. Well, tingnan natin sila ngayon, pareho na silang making waves sa mundo ng showbiz. But this time, Daniel at Kathryn na. Tapos Andrea at Seth na! Ang saya! Sana someday ay magka-trabaho ang apat noh! Why not! Lahat naman posible! Let's wait and see! 

BRYAN REVILLA KINUMPIRMA ANG KASALANG JOLO AT ANGEL NGAYONG DISYEMBRE

Na-miss namin si Bryan Revilla after maipalabas last year ang comeback film flick ng Imus Productions na TRES na pinagbidahan nilang tatlo nina Jolo Revilla at Luigi Revilla. Sa set visit namin para sa pelikulang Kid Alpha One ng Brightlights Production na pinagbibidahan ng newcomer action star na si Javi Benitez sa Tanay, Rizal ay nakatsikahan ko sa isang gilid si Bryan. Una kong tinanong sa kanya kong co-producer siya sa pelikula ni Javi at naging deretsahan ito sa pagsasabing artista o aarte siya sa movie na isang Master Sargeant naman ang kanyang ginagampanang role. Pangalawa kong tinanong kung kamusta naman ang Imus Productions after nitong mag-comeback last year.
" Okey naman. We're doing a movie for my Dad ( Bong Revilla ) diko lang ma-confirm kung what date. Pero starting soon na kami by October na yata. Natapos na kami nina Jolo at Luigi last year, this time naman, it's Dad. " aniyang sagot naman sa akin. 
Sinunod ko naman siyang tanungin about his brother Jolo Revilla.
" Well, he's sobrang happy now. Happy na rin kami for him that finally, ayan na, this December ay magpapakasal na siya. It's about time. " aniyang pagkumpirma pa sa akin.
Yes! Si Bryan na mismo ang nagkumpirmang pakakasalan na ni Jolo Revilla ang kanyang current girlfriend at malaking selebrasyon daw ito para sa pamilya Revilla sa Cavite. Finally ay may matatawag na diumanong first lady niya si Jolo! Bongga!

NEWEST TEEN SENSATION SETH FEDELIN GAGAWIN LAHAT PARA SA KANYANG PAMILYA

" Kulang pa. Gusto ko pa po maraming work. "
Ito ang binitiwang salita sa akin ng anak-anakang Newest Teen Sensation ngayong si Seth Fedelin nang huli ko itong makausap. Isang litanyang he's truly craving for more para sa kanyang beautiful future.
" Gagawin ko po lahat Tito para po sa ikakaganda ng buhay ng aking pamilya. Alam kopo ang sakripisyo po ng aking mga magulang para sa akin kaya kopo nasabi na i want more. " aniyang muli sa aking panayam.
Halatang desidido si Seth na pagandahin ang kanyang buhay kaya naman kahit sa puntong ito na kinukulang siya sa tulog ay ratsada siya sa kanyang commitments. May pahinga pero hindi sapat na ayon sa binata ay bawal tanggihan ang mga biyayang kanyang natatanggap sa ngayon.
" Bawal po. Kasi ngayon palang po ako talagang sobrang busy. Masayang-masaya po ako. Kulang pa. Basta. Keysa wala po akong ginagawa. " aniyang muli.
After niyang gawin ang IWant Movie na Abandoned with Beauty Gonzales, as of presstime ay nasa Tanay, Rizal naman ngayon si Seth para sa 2nd shooting day ng kanyang 2nd movie for IWant with Andrea Brillantes titled Wild, Little, Love. This is produced by Dreamscape Digital na wala pang tentative playdate. 
" Yes Tito! Work, work tayo kahit Sunday. Biyaya po ito. Okey lang po ako at Thank you po sa lahat ng sumusuporta sa amin ni Andrea mula sa Kadenang Ginto, sa The Gold Squad at sana suportahan po nila itong ginagawa naming movie ngayon. Sana po tuloy-tuloy lang po ang blessings na dumating. Okey lang po sa akin. Para po ito sa lahat ng nagtitiwala sa akin lalong-lalo napo para sa pamilya ko. " pagtatapos pa ni Seth. 
Sa totoo lang, phenomenal din ang pagsikat ni Seth after lumabas ng PBB. Hindi man siya napabilang sa Big Four, ayan, siya naman ngayon ang rumaratsada sa ere! 
Napaka-simpleng bagets na walang kaere-ere kaya naman milyones na ang nagmamahal sa kanya worldwide. Happy for you Seth. 

FDCP'S SEND OFF MEDIA CON FOR BUSAN DELEGATES

Also happening this week at the Busan International Film Festival and Asian Film Market, in Busan, South Korea is the soft launch of FilmPhilippines, FDCP’s new film location incentive program aimed at encouraging international film productions to shoot and work in the Philippines. FilmPhilippines will give financial support to both international productions and co-productions with Filipino producers, who will spend at least 8million pesos in the Philippines for their film production and post-production.  FDCP Chair Liza Dino-Seguerra foresees not just a surge in tourism revenues and business investments months after this incentive program is launched, but also heightened artistic and technical exchange between Filipino film workers and the rest of the world’s film professionals. The FilmPhilippines Film Location Incentive Program (FLIP) and the FilMPhilippines International Co-Prod Fund (ICOF) will be introduced to world filmmakers and producers in Busan this year. FilmPhilippines Executive Director for FDCP, David Fabros expects inquiries to rush in as early as November this year after the program is promoted, as the new incentives will positively complement the government’s already existing inter-agency one-stop-shop assistance for filmmaking in the country. All details about the FilmPhilippines Incentive can be found at www.filmphilippines.com .

NEWCOMER ACTION STAR JAVI BENITEZ PINURI NINA TONTON GUTIERREZ AT JUAN RODRIGO

Sa kauna-unahang pagkakataon ay nakilala ko in-person ang baguhang future action star na si Javi Benitez. Binisita namin ang location shooting ng kanyang launching movie under BrightLights Productions titled Kid Alpha One directed by Richard Somes sa Epic Park, Tanay, Rizal last Sunday. Matangkad, maganda ang pangangatawan, seksi at higit sa lahat ay napakatalino. In our interview, walang kiyemeng pinagsasagot ni Javi ang tanong na ibinato sa kanya ng Entertainment Media. Kitang-kita namin ang pagiging simpleng tao ng papasikat na action star. Marunong itong makipag-usap sa Press at may pinag-aralan. Naabutan kasi naming kinukunan ang isang action scene niya kasama si Sue Ramirez. Putukan at tamblingan. Medyo delikado ang kanyang ginawang stunts but Javi exclaimed in our interview na as much as possible, kapag kaya niya ang isang stunt, siya raw mismo ang gumagawa nito. Pinagbawalan pala siya ng kanyang Daddy at mismong Direktor na kapag delikado ang mga eksena, required siyang magpa-double. 
" Since day 1, ang dami ko ng sugat, bruises, pasa. I know that it's a part of my job. Kaso may mga eksenang pinagbawalan talaga ako ng direktor namin to do it. Tapos ayaw din ng Dad ko especially yung tatalon ka and mga explosions. " aniyang bulalas pang kuwento sa amin.
Halatang mahal at gusto ni Javi ang kanyang ginagawa ngayon. Nabatid din naming gustong-gusto rin niyang makilala bilang isang magaling na action star someday. Kaya ganoon nalang ang kanyang pagpupursige to finish this film na plano nilang mai-release Internationally. 
Sa totoo lang, action star material talaga si Javi. Marami sa ngayon ang sumubok makilala maging action star pero hindi sila nag-succeed. But Javi, looking at him, yung tayo niya at aura, para siyang si Tom Cruise ng Pinas. Lalo na nung napanood namin ang isang trailer o tvp ng Kid Alpha One, napa-wow kami kasi parang Hollywood movie ang among napanood huh! Yung registration niya sa screen, yung mukha niya, pakahusay talaga!
Patunay dito ang binitiwang komento ng dalawang beteranong aktor na sina Tonton Gutierrez at Juan Rodrigo na katrabaho din niya sa pelikula.
" He's a revealation. He's a natural actor. When it comes to his action scenes, napakagaling ni Javi. " sez Tonton.
" Intense yung kanyang portrayal bilang isang action star. Kapag pinapanood mo siya sa mga action scenes niya, para na siyang dating action star! Galing! Bilang isang baguhan, mahusay si Javi. " sez Juan Rodrigo. 
Hindi lang sina Tonton at Juan ang pumuri sa ipinapakitang galing ni Javi sa movie kundi halos lahat ng katrabaho niya. 
Nauna na palang kinunan ang almost 80 percent ng movie sa Bacolod ba o Iloilo kung saan nag-root si Javi. May natitirang 4 shooting days nalang daw sila according to Ms. Pia Almojela the Executive Producer of the film. Ms. Pia told us na puntirya talaga nilang maipalabas sa international market ang movie dahil ibang klase raw itong pelikulang ito! 

JORDAN RUMAMPA SA FDAP WEDDING FASHION SHOW WITH DIETHER OCAMPO AND ALEX GONZAGA

Nakakatuwa si Jordan Lim. Ang bunsong anak ng kaibigang Ana Marie Lim na sisterette ni Queen Mother Karla Estrada nang rumampa ito sa FDAP Wedding Collections Fashion Show na ginanap sa Ballroom ng Winford Hotel And Casino Manila kasama sina Alex Gonzaga at Diether Ocampo. Pinalakpakan ang bagets paglabas niya ng runway at halos lahat ng nanood ay tutok ang mga camera sa aking apo-apohan! Cuteness naman talaga ni Jordan na regular nating napapanood sa Home Sweetie Home ng Kapamilya Network at Goin Bulilit. After the said event ay besing-besi namang inentertain ni Jordan ang mga Momshies, Papshies at kung sinu-sino pang nagpapa-picture sa kanya. Walang reklamey ang bagets huh. Well, spoiled si Jordan because sa totoo lang, sa kanyang murang edad na 5 years old ay kumikita na siya at englisero huh! Diva Mommy Anne? Favorite din kasi si Jordan ng kanyang Kuya Daniel Padilla at Tita Karla noh! Pero sa isang eksena sa elevator ay napagkamalang siya raw si Basty. Sumagot naman daw si Jordan na No! Iam Jordan! Hahahaha! Kaaliw ang bagets na pinagsasabay ang kanyang showbiz commitments at pag-aaral. May dalawang anak pa ang kaibigang Ana Marie Lim na juice colored sa kagandahan at kaguwapuhan. Ito ay sina Analain at Ashtone Lim! Abangan natin sila dahil sigurado akong aariba na rin sila sa showbiz soon. Mga pinsang buo sila ni Daniel Padilla. Abangan!

MATITINDING AKSYON ANG AABANGAN SA NALALAPIT NA IKA-APAT NA TAONG ANIBERSARYO NG FPJ'S ANG PROBINSYANO

Patindi ng patindi ang mga kaganapan sa teleseryeng FPJ's Ang Probinsyano ng DreamscapePH na pinagbibidahan ng actor / Director na si Coco Martin. Marami na ang sumubok tapatan ang pinag-uusapang teleserye subalit pinataob parin sila ni Coco Martin. Ebidensya ang halos hindi bumababa sa 40% ratings nito kaya naman umariba ng husto ito sa ere sa Kapamilya Network. 
Sa mga eksenang napanood namin nitong gabi lang sa FPJ's Ang Probinsyano, mukhang pinaghahandaan talaga ng buong production ang nalalapit na 4rt Year Anniversary ng serye ni Coco huh! May kinalaman kaya ang mga nagagandahang kaganapan ngayon sa serye sa nalalapit nitong anibersaryo? 
Ayon sa aking nakausap, yes, isang malaking selebrasyon sa teleserye ang lalo pang aabangan ng fans and followers ni Coco Martin. Maglalagak sila ng mas matitinding aksiyon sa paparating na anibersaryo ng seryeng niyakap ng buong sambayanang pilipino huh! Hindi raw muna ma-drama ang serye kundi aksiyon ang aariba! 
Naglalakihang sorpresa din ang mapapanood natin sa seryeng ito kaya tutok lang gabi-gabi sa teleserye ng nag-iisang Television's Primetime King Coco Martin.