REGINE VELASQUEZ..." MALANDI MAG-PERFORM SI DJ. "

Isang bonggang welcome back salubong Ang naganap yesterday sa ABS-CBN Compound ng 2pm para sa nag-iisang Asia's Songbird Regine Velasquez. Kinagabihan naman ay isang bonggang welcome Presscon ang ibinigay sa kanya ng ABS-CBN Corporate Communication. Meaning, certified Kapamilya na nga si Regine at winakasan na nito ang tanong Kung gaano ka-totoong lilipat na siya sa Channel 2! Halos mapaiyak si Regine sa nasaksihan nitong grand welcome sa kanya. Pero ang higit kong ikinatuwa ay nang walang kiyeme nitong sinabing eager siyang makatrabaho si Daniel Padilla during the interview!
" Mapa-pelikula man yan, tv or album, gusto ko talagang makatrabaho so DJ. I wanna work with him. Natulala ako sa kanya nung ABS-CBN Ball when I saw him perform. Malandi siyang mag-perform!" Sez Regine. 
Kaya Naman sa binitiwang salita ng Asia's Songbird malamang at kinakasa na ngayon ng Kapamilya Network ang mga proyektong maaring gawin ng dalawa! Pero for me, dapat pelikula muna with Daniel and then isang bonggang concert next year with Daniel! Hindi ba Ate Reg???? 
Basta! Anumang proyekto Yan, masaya kami at nabanggit mong gustong-gusto mo si Daniel Padilla! Yehey!

JED MADELA XV...NGAYONG NOVEMBER 16 NA SA ARANETA!

Naglalakihang bituin sa Mundo ng musika ang natatanging bisita ni Jed Madela para sa nalalapit nitong Jed Madela XV Concert Ngayong November 16 sa Araneta Coliseum. Nandiyan Ang TNT Boys, BoybandPH, Vice Ganda, Darren Espanto at Regine Velasquez produced ng CCC Productions and Star Events! Sa katatapos lang na concert media day ni Jed ay naging maboka ang world-class performer/ singer sa pagsasabing kakaibang concert ang mapapanood ng kanyang tagahanga this time!
" We have prepared beautiful songs and beautiful arrangements for them na tatak Jed Madela. Ibang klaseng concert Ito. Ako kasi I always make it sure na in every concert ay iba-ibang production number ang napapanood nila sa akin. Hindi ako nag-uulit. Basta. Excited na rin ako na may konting niyerbiyos because this time, it's Araneta! Thank you sa CCC Productions and Star Events for trusting me. Sila Yung sumugal for me to have it sa Araneta. Am inviting everyone to please come and join me sa aking 15th year anniversary sa music industry! " Sez Jed Madela.

JOSHUA GARCIA...DIAMANTE SI JULIA DAHIL PINAKAMAMAHAL KO SIYA!

Happiest birthday ang nakaraang October 6 para kay Joshua Garcia! Hindi niya lang nakasama sa isang out of town celebration ang kanyang pamilya kundi kasama niya rin ang babaeng nagsisilbing inspirasyon niya ngayon at mahal na mahal na si Julia Baretto. Ayon sa naging kuwento sa amin ng sikat na aktor nang sadyain namin ito sa set ng inaabangang primetime series na Ngayon At kailanman ng Star Creatives, ito na ang pinaka-masayang birthday sa kanyang buhay. Halatang masaya nga ang aktor dahil kamakailan lang ay nagsalita na rin si Julia patungkol sa kanyang totoong pagmamahal sa aktor. May isang kasamahan nga sa panulat ang nagtanong sa kanya kung anong klaseng stone si Julia, naging deretsahan ito sa kanyang sagot na isa diumanong Diyamante si Julia dahil pinakamamahal niya ito! Samantala, naging maboka naman si Jishua sa pagsasabing napakarami pang dapat abangan sa teleseryeng Ngayon At Kailanman dahil nagsisimula palang daw umusbong ang pag-iibigan nilang dalawa ni Julia sa serye. Masayang ibinalita rin ni Joshua na kahit papano, sa pagi-ingles niya sa serye ay magaling na rin daw siyang mag-ingles at hindi na pilipit ang kanyang dila huh! Bilang anak-anakan namin si Joshua ay masaya na kami sa kanyang tinatamasang kasikatan ngayon. Wala namang ibang wish si Joshua kundi ang magtuloy-tuloy ang biyayang dumarating sa kanyang buhay at yung maging healthy siya sa mahabang panahon dahil napakarami pa raw niyang gustong gawin sa kanyang buhay. Isa na diumano rito ay ang gusto niyang mabilhan ng sariling bahay ang kanyang Ama!

DIREK JOVEN TAN....HAPPY FOR OTLUM!

Sa kauna-unahang pagkakataon ay sasabak sa isang paligsahan o piyesta ng Pelikulang Pilipino ang mahal naming movie Director na si Joven Tan. Sa hindi inaasahang pagkakataon ay sasabak ang kanyang pelikulang OTLUM na pinagbibidahan ng sikat na basketball player na si Ricci Rivero ngayong taon para sa Metro Manila Film Festival. Napili ang pelikula ni Direk Joven na ayon sa kanya ay tapos na ang pelikula at alam niyang ginawa nila ang lahat ng kanilang makakaya upang mai-presentang maganda ang pelikula ng sikat na basketbolista! 
" Tapos napo ang pelikula. Tinutukan naming mabuti and we did our best. Sana suportahan nating lahat ng pelikulang kalahok this year sa MMFF. Yun lang naman ang request ko! " paglalahad pa sa akin ni Direk Joven Tan via text message.
Mukhang maganda nga ang isasalang niyang pelikula. Ang OTLUM na kapag binaliktad mo ng basa ay MULTO! Meaning, it's a horror movie na ayon na rin sa naging kuwento ni Direk at ng ilang nasa production ay nakakatakot ang movie. Basta. Happy kami para kay Direk Joven Tan at sa buong production staff, cast and crew ng movie dahil nagbunga ang kanilang paghihirap sa pelikulang ito! Goodluck Direk Joven!

Aga Muhlach....Natulala Kay Bea Alonzo!

Natulala raw minsan Ang beteranong Aktor na si Aga Muhlach sa ilang eksena nila ni Bea Alonzo habang ginagawa nila ang pelikulang First Love ng Star Cinema showing Octiber 17 in cinemas nationwide! Personal choice pala nina Direk Paul Soriano at Aga Muhlach si Bea. Naging maboka rin ang sikat na aktor sa pagsasabing atat talaga siyang makatrabaho ang isang Bea Alonzo dahil sinubaybayan niya diumano kung paano umarte si Bea. Kaya nung tumango raw ura-urada si Bea ay ikinatuwa niya ito. Dream come true para kay Aga Muhlach ang pelikulang ito na kinunan sa Canada ng almost 1 month with actors Edward Barber and Albie Casino! Beautiful ang film sa totoo lang dahil mismong si Aga Muhlach while dubbing ay napaluha nang makita ang kanilang finished product! Bongga! Kunsabagay, Aga Muhlach is Aga Muhlach at Bea Alonzo is Bea Alonzo! Yun na! 

JED MADELA...6 BESES PINALAKPAKAN SA SEATTLE CONCERT!

ANIM na beses tumayo at pinalakpakan ng concert goers si Jed Madela sa katatapos lang nitong one night Jed Madela Live Concert In Seattle last September 28, 2018! Ginanap sa Highline Performing Arts Center ang full-packed concert ni Jed kung saan nagmula pa sa iba't ibang estado ng Amerika ang kanyang manonood. Proven na yan na everytime nagkakaroon ng solo concert si Jed abroad ay dinudumog ito at walang palyang sold-out at jampacked ito! Sa social media, nakita ko ang suporta ng fans and followers ni Jed na nakapanood sa kanya that night. Most of Jed's fans abroad ay panay ang pasalamat at nakapagpa-picture-taking sila sa kanilang iniidolong world-class performer at artist. 
" taffy_kaxel where do i start? Thank you VXVII events for bringing Jed Madela in Seattle. It was indeed an awesome concert. All my friends and clients had a blast. Until now they still have a hangover from the concert. They call me today and they said the best daw talaga. Salamat gid! They request for a repeat pleaseeee! " bulalas pa ng isang avid fan ni Jed. 
Sa facebook post naman ni Jed Madela ay walang humpay naman ang pasasalamat nito sa mga taong patuloy na naniniwala at sumusuporta sa kanyang kakayahan bilang isang sikat at world-class performer.
" Thank you very much Seattle!!! You made my first time here very memorable! And Thank you for the 6 standing ovations!!! I'am difinitely coming back soon!! " Jed's post.
Sa anim na standing ovations ay isa sa pinalakpakan ay ang kanyang latest single under Star Music titled " Di Matitinag " na currently making waves sa local music chart! Ngayong October 2 naman ang balik ng Pilipinas ni Jed. Sa kanyang pagbabalik ay deretso naman si Jed sa kanyang local commitments kasama na ang kanyang puspusang paghahanda para sa kanyang nalalapit na Jed Madela XV Concert ngayong November 16 na gaganapin naman sa Smart Aranera Coliseum with guests Darren Espanto, Boy Band PH and TNT Boys! 

JED MADELA...WALANG TIME SA BASHERS!

Walang oras sa kanyang bashers si Jed Madela. May mga bashers na parang kabute kamakailan lang ang nagsulputan sa socmed partikular sa twitter. Binashed ang World-Class performer. Ayun pa sa isang kabute, ayaw niya raw sa mga kanta ni Jed. Yung isang kabute naman ay magaling naman daw na singer si Jed pero bakit hindi naman daw umaariba sa sales ang album nito. Dalawa lamang yan sa mga kabuteng nagsulputan na walang ginawa kundi laitin at chararatin si Jed Madela. Mga kabuteng walang magawa sa buhay nila na pakiramdam ko ay nagpapapansin lang kaya minabuti kong huwag ilagay ang post nila sa blog ko. Bakit may mga taong hindi talaga masaya sa achievements ng kanilang kapwa. Why not admire Jed nalang at maging happy sa kanyang karera. Kung ayaw niyo naman sa kanya, puwede namang manahimik at maging masaya sa paraang gusto ninyong maging masaya kayo. But sad to say. Wala pong panahon si Jed Madela para patulan pa ang mga ganitong eksena sa kanyang buhay. Just wanna let you know na mas mahalaga sa sikat na singer ang tutukan ngayon ang kanyang nalalapit na Jed Madela XV Concert na gaganapin sa Araneta Coliseum ngayong November 16! Ayon kay Jed, salamat pa rin sa kanyang mga kritiko! O! Ayan ha! Pinasalamatan pa rin kayo! Manood nalang kayo ng concert niya kasi bago kayo nagtatalak diyan. Wala kayong magawa! 

JOSHUA GARCIA...MAHALAGA ANG FANS!

Mahalaga para sa Ngayon At Kailanman actor Joshua Garcia ang kanilang fans ng ka-true to life loveteam nitong si Julia Baretto. Sa HongKong trip nito para sa isang commitment ay halos hindi na makalabas ng arrival area si Joshua sa dami ng fans nitong nag-abang sa kanya para makapagpa-picture. Walang pinalampas na pagkakataon mismo si Joshua Garcia upang mapagbigyan lahat ng naghintay sa kanya. Ayon pa sa isang post ay very accomodating si Joshua at walang arte. Big boy na nga si Joshua at kitang-kita at ramdam na ramdam naman namin ang kanyang pagmamahal sa mga nagmamahal sa kanyang fans nito hindi lang dito sa Pinas kundi sa buong mundo! Samantala, sa Ngayon At Kailanman ay obvious na ang selosan sa pagitan nina Oliver (Jamesone Blake) at Ino (Joshua) over Eva (Julia Barretto). Ipinagtanggol ni Ino si Eva sa pambabastos sa kanya ng barkada ni Oliver, bagay na hindi nagustuhan ng huli. Mas malalaking eksena ng agawan pa ang mapapanood sa serye at mas maraming kilig pa ang nakaabang! 

CINCO BOYS....SOARING HIGH!

Saludo ako sa sipag at tiyaga nina Adel, Basty, Carl, Dex at Emman na miyembro ng nakikilalang boy group ngayon na Cinco Boys under the management of Kristian Kabigting. Sa kabila kasi ng kabi-kabilang commitments nila sa showbiz ay nakatutok pa rin ang Cinco Boys sa kanilang pag-aaral. Ayon sa manager nilang si Kristian Kabigting, malaking bagay ang pagiging mabubuting artist at anak ng limang bagets dahil marunong silang sumunod sa anumang patakaran ng Asterisk Digital Media Production kaya naman maayos ang schedules ng mga ito. Kahit mga magulang ng Cinco Boys ay proud na proud sa kanilang mga anakshies dahil kahit pagod na ang mga ito from school ay wala diumano silang naririnig na reklamo mula sa kanilang mga anak. Well-mannered ang mga bagets kaya naman ang sarap nilang mahalin at tulungan dahil ito ang una naming nakita sa kanila bukod pa sa mga guwapo sila at maipagmamalaki mo! Wala diumanong imposible ayon pa sa mga bagets lalo na't hinding-hindi sila susuko sa kanilang pangarap na makilala sa showbusiness! Produkto ang lahat ng Cinco Boys ng Star Magic Workshop ng Kapamilya Network kaya naman alam mong alam nila kung ano naman ngayon ang kanilang gustong patunayan sa industriya ng musika! Sa kasalukuyan ay puspusan ang ginagawang rehearsals ng Cinco Boys para sa kanilang upcoming shows. Ngayong October 2 ay mapapanood sila sa birthday concert show ni Joshua Tuzon sa Music Box, Timog. October 6 sa SM North Skydome para sa Electro Groovers Next In Line--A Fundraising Concert hatid ng Asterisk Digital Media Productions at One Light Events Management, On October 12 sa Eastwood Expo and Imus Day. Sa October 15 naman ay nasa Batangas City ang Cinco Boys para sa Silka Coronation Night at sa October 18 hanggang 29 ay nasa Japan naman sila para sa Music Fest Japan! Abangan niyo na rin ang kanya-kanyang pagganap ng Cinco Boys sa anim na episode ng CINCO Series na isang Online Series produced by Asterisk Digital Media Production kung saan gaganap ang bawat isa sa kani-kanilang istorya at drama! Well, making waves na rin kahit papano ang Cinco Boys. Naging posible ang lahat ng ito dahil sa puspusang pagtutok ni Kristian Kabigting sa aming mga alaga kasama na ang buopng Asterisk Digital Media Production family namin! Wishing all the success para sa lahat! More power Cinco Boys!

KATHNIEL...TINALO NA SI VICE GANDA!

SIMULA magbukas sa mga sinehan dito sa Pilipinas ang pelikulang The Hows Of Us ng KathNiel ay hindi sumuko ang fans and followers ng pinakasikat na loveteam on and off screen sa pagsuporta nito! Ngayong araw ng lunes, sa nakalap naming milyones, ayon na rin sa social media post ng Star Cinema, kahapon, araw ng linggo ay tumabo na sa 505 Million pesos ang kinikita ng pelikula at inaasahang aakyat pa ito dahil nagbukas na rin sa iba't ibang sinehan sa buong mundo ang pinag-usapang pelikula ni Cathy Garcia-Molina. Sa totoo lang, hindi naman talaga lahat ng nanood ng movie ay fans and followers ng dalawa kundi mga indibidwal na na-curious sa pelikulang pinag-uusapan at nang lumabas sa sinehan ay ang salitang " beautiful kathniel and beautiful movie ' pa rin ang kanilang naging bukambibig! Well, that's life. Kaya naman ang totoong unkaboggable ngayon ay ang KathNiel na at hindi na si Vice Ganda! Just imagine the earnings of this film since day one dahil unang-una ay hindi naman ito Metro Manila Film Festival film kundi ipinalabas ng regular sa mga sinehan! Bongga! So, goodbye na sa title Vice Ganda ha! Sa KathNiel na muna ito! Kapag nalampasan mo Vice Ganda sa December ang almost 505 Million, ibabalik namin ang korona mo! Magkano kaya ang bonus ng KathNiel? Kasi huhulaan kong aabot pa sa 700 Million ang magiging total earnings ng pelikula noh! Hula lang! Malay mo magka-totoo! Basta! Mabuhay ang KathNiel! Mabuhay ang Star Cinema!